"Manchester Siti" 2016 yilning yozida, bosh murabbiylikka Pep Gvardiola tayinlanishini e’lon qilgandi. O‘shanda men Tyerri Anri bilan Gvardiola haqida intervyu qilgandim. To‘rt soat davom etgan suhbatdan keyin, nihoyat telefon go‘shagini joyiga qo‘ydim. APL erasining eng yaxshi futbolchisi menga Gvardiolaning rejalari haqida, xususan, uning ingliz futbolida inqilob yasamoqchiligini aytgandi. Bu gapni butun umrini "Arsenal"ga, Arsen Venger jamoasiga bag‘ishlagan odamdan eshitish, o‘zgacha tuyuldi. Hozir ma’lum bo‘ldiki, Gvardiolaning "Barselona" va "Bavariya"da qo‘lga kiritgan yutuqlari, uni o‘zi xos murabbiyga aylantira oladi. Anri menga Gvardiolaning futboldagi qarashlari haqida aytib berdi. Unga ko‘ra, mutaxassis hamma narsani ikir-chikirigacha ko‘ra oladi. Taktik tanlov, boshqaruv va kerak bo‘lgan paytda hissiyotlar jamlanmasi, Gvardiola murabbiylik qilgan futbolchilarni maydonda eng yaxshi bo‘lishga majbur qilib keladi.
Ayni damda "Manchester Siti" YECHL, APL va Angliya kubogini yutishga juda ham yaqin turibdi. Bu narsa 52 yoshli mutaxassisni, barcha davrlarning eng yaxshi murabbiyiga aylantiradi.
"Barselona"dagi birinchi mavsumida YECHLni qo‘lga kiritgan Gvardiola, bu natijaga erishgan eng yosh murabbiyga aylangan edi. U keyingi 14 yilda Angliya, Germaniya va Ispaniya chempionatlarida jami 30 ta titul yutishga ulgurdi. Ularning ichida 10 ta liga chempionligi mavjud. Albatta, Gvardiola omadli ham edi. Negaki, u davrimizning eng buyuk futbolchilari: Messi, Inyesta, Xavi, Anri, Levandovski, Noyer Aguero, De Bryuyne va Xoland bilan birga ishlash baxtiga muyassar bo‘lmoqda. Ha, u hali Fergyusondek ko‘p liga chempionligi yoki Anchelotti kabi yevrokuboklarni yutib ulgurgani yo‘q. Eng yaxshi murabbiylikka da’vo borasida hozirgi Mourinyo, Klopp yoki o‘tmishdan Yoxan Kroyf, Valeri Lobanovski va Ernct Xappel nomlarini keltirish mumkin. Ammo Pep bir tomonlama yuqoridagi nomlardan ustunlik qiladi. Bu narsa Gvardiolaning muxlislar orasidagi obro‘si emas. Bu narsa uning futbolidagi go‘zallikdir. Gvardiola jamoalari shunchaki raqibni mag‘lub etmaydi, ular raqiblarini butunlay holdan toydirib taslim qiladi.
Chorshanba kungi "Arsenal"ga qarshi urilgan Erling Xolandning goli "shaharliklar"ning Gvardiola davridagi 995 goli bo‘lib tarixga kirdi. Bu ketishda yakshanba kungi "Fulxem" bilan o‘yinda bu raqam 1000 ga yetishi mumkin. Bechora "Arsenal" Gvardiola jamoasi oldida o‘ta ojiz ko‘rinardi. Bahsdan keyin De Bryuyne "Arsenal" uchun tanlangan taktika haqida gapirgan edi. Unda raqibni mag‘lub etish uchun har qanday chora-tadbirlar mujassamlashgan. Faqat kuchli raqiblar bilan emas, kuchsizlari bilan ham kuchli o‘yin ko‘rsatish, hamma klublarning ham qo‘lidan kelavermaydi ("Real" va "Barselona"ning bugungi kundagi qoqilishlari misol).
Afsuski, Yevropaning qudartiga aylanib borayotgan jamoaga yaqindagina futbol qoidalarini buzgani uchun 100 dan ortiq ayblar tirkala boshladi. "Manchester Siti" ishini mustaqil komissiya tekshirishga tushgan. Ammo klub istalgan joyda o‘z manfaatlarini himoya qilishini bildirdi. Gvardiola ham ommaga o‘z klubi aybsiz ekanini ta’kidlagan edi. Ammo ispaniyalik mutaxassis qoidabuzarlik va moliyaviy jinoyatlar sodir etilgan 2009-2018 yillar oralig‘ida, asosan jamoada bo‘lmagan.
Nima bo‘lgan taqdirda ham bir narsa ma’lum – "Manchester Siti" futbolchilari maydonda benuqson harakat qila oladi. Biz esa Gvardiola yaratgan kuchli mexanizmning asoslari mustahkam ekanini bilamiz. U qo‘ygan standartlarga esa tenglashish oson emas.
Mark Irvin, "the Sun" nashri korrespondenti
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
