"Наполи" — Италия чемпиони! “Скудетто” 33 йилдан сўнг Неаполга қайтади. Бу ҳақиқий сенсация, чунки мавсум бошланишидан олдин ҳеч ким Лучано Спалетти жамоаси А Серия олтин медалини қўлга киритишини кутмаганди. Кекса мураббий яхши ўйинчилардан жамоани тузди. Хўш, "Наполи" чемпионлик таркибини тузиш учун қанча пул сарфлади?
Алекс Мерет, 26 миллион евро
Мерет “Наполи”га беш йил аввал 2018 йилнинг ёзида келиб қўшилганди. У "Удинезе"дан 26 миллион еврога ижарага олинганидан сўнг сотиб олинди. Очиғи, бу чемпионлик жамоасининг дарвозабони эканлигига ҳамма ҳам рози бўлмайди. Миш-мишларга кўра, бир йил аввал неаполликлар Кепа билан шартнома имзолаш учун уни “Специя”га ижарага беришмоқчи эди. Аммо Мерет бу мавсумда А Сериядаги 76 фоиз зарбаларни бартараф этди. Бу лигадаги 81 фоиз натижа кўрсатаётган "Лацио" аъзоси Иван Проведелдан кейин иккинчи энг яхши кўрсаткичдир.
Жованни Ди Лоренцо, 9,8 миллион евро
Бугунги кунда Ди Лоренцо "Наполи" сардори ва Италия чемпионатида ўйнаган дақиқалар сони бўйича пешқадам (2959). 2019 йилнинг ёзида ўнг қанот ҳимоячиси “Эмполи”дан келган эди, у учун улар унчалик кўп пул тўлашмаган – 9,8 миллион евро.
Амир Рраҳмани, 14,2 миллион евро
Косово терма жамоасининг марказий ҳимоячисига “Верона”да ўйнаган пайтлари “Наполи” скаутлари эътибор қаратишди. 2020 йилнинг январида Рраҳмани сотиб олинди ва унинг учун 14,2 миллион евро тўланди.
Ким Мин Чже, 18 миллион евро
Жанубий кореялик марказий ҳимоячининг ўйини ҳақиқий кашфиёт бўлди. Бир йил аввал “Наполи” Ким Мин Чжени “Фенербахче”дан 18 миллион еврога сотиб олгач, Европада уни кам одам танир эди. Энди эса у Спалетти жамоаси ҳимоясида асосий фигура ҳисобланади. Европанинг топ-клублари жанубий кореялик футболчини унинг 53 миллион евро миқдоридаги товон пулидан фойдаланган ҳолда сотиб олишга тайёр.
Марио Руи, 9,5 миллион евро
Португалиялик чап қанот ҳимоячиси Италияда 2011 йилдан бери ўйнайди ва бу мавсумда у ўзини кўрсата олди. Руи А Серияда 6 та голли узатмани амалга оширди: у "Наполи"нинг Кварацхелия ва Зиелинскидан кейин учинчи энг яхши ассистенти. Марио "Наполи"да 2017 йилнинг ёзидан буён тўп тепмоқда. У аввалига “Рома”дан 3,75 миллион еврога ижарага олинган, кейин эса яна 5,75 миллион евро қўшиб сотиб олинди. У “Олтин” таркибда “Наполи”га энг арзон нархга тушди.
Станислав Лоботка, 21 миллион евро
Словак "Наполи" скаутлари учун ажойиб топилмадир. Улар уни Испанияда топишди: клуб президенти Аурелио Де Лаурентис Лоботкани "Селта"дан олиш учун 21 миллион еврони аямади. Жорий мавсумда Станислав кўп кўрсаткичлар бўйича жамоада энг яхшиси бўлди.
Замбо Ангисса, 17,3 миллион евро
"Наполи"га ўтишидан олдин камерунлик футболчи ҳам катта футболчи сифатида тилга олинмаган. Парфенопияликлар Ангуиссни 2021 йилнинг ёзида "Фулхэм"дан сотиб олишди: биринчи мавсум учун ижара 1,3 миллион еврога тушди ва бир йилдан сўнг ҳуқуқларни тўлиқ сотиб олиш яна 16 миллион евро беришди.
Пиотр Зиелински, 16 миллион евро
Польяк “Наполи”да етти йилдан бери тўп тепади. Зелинскийнинг трансфери 2016 йилда “Удинезе”дан клубга 16 миллион еврога тушди. Ҳозирги таркибдан у жамоанинг асосий энг кўп ўйин ўтказган футболчиси ҳисобланади (323та ўйин).
Ирвин Лосано, 45 миллион евро
Лосанонинг трансфери неаполликлар тарихидаги иккинчи энг қиммат трансфер ҳисобланади. Мексикалик футболчи 2019 йилнинг ёзида ПСВдан 45 миллион евро эвазига сотиб олинди. Қанот ҳужумчиси Италияда ёрқин ўйинлар ўтказди. Деярли ҳар бир трансфер ойнасида Ирвиннинг "Наполи"дан кетиши мумкинлиги ҳақида миш-мишлар бўлган, аммо у қолган ва бундан афсусланмаслиги аниқ.
Хвича Кварацхелия, 11,5 миллион евро
Кварацхелиянинг Россиядан кетиши италян клубига жуда кам харажат эвазига вингер сотиб олишга ёрдам берди. 11,5 миллион еврога трансфер Батумининг "Динамо" клуби ҳисобига ташкил қилинган. Хвича мавсумни супер тарзда ўтказяпти.
Виктор Осимхен, 75 миллион евро
Аммо “Наполи”нинг асосий юлдузи барибир Осимхен ҳисобланади. Бундан ташқари, нигериялик бошқа ўйинчилардан кўра клубга қимматга тушди: 75 миллион еврога ҳужумчи трансфери неаполликлар тарихидаги рекорд ҳисобланади. Виктор 2020 йилнинг кузида “Лилл”дан кўчиб ўтганди. Агар Осимхенни таркибдан олиб ташласангиз, “Наполи”нинг “Олтин таркиби” ўтган йилги “Милан” билан бир хил маблағ сарфлагани маълум бўлади. Лекин сиз уни олиб ташлай олмайсиз. 22 та гол урган энг яхши тўпурари бўлмаганида, "Наполи" кубокни қўлга киритиши қийин эди. Айтишларича, бугунги кунда Де Лаурентис Осимхен учун икки баравар кўп - 150 миллион евро талаб қилмоқда.
"Наполи" таркибининг якуний қиймати: 263,3 миллион еврони ташкил қилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
