"Napoli" — Italiya chempioni! “Skudetto” 33 yildan so‘ng Neapolga qaytadi. Bu haqiqiy sensasiya, chunki mavsum boshlanishidan oldin hech kim Luchano Spaletti jamoasi A Seriya oltin medalini qo‘lga kiritishini kutmagandi. Keksa murabbiy yaxshi o‘yinchilardan jamoani tuzdi. Xo‘sh, "Napoli" chempionlik tarkibini tuzish uchun qancha pul sarfladi?
Aleks Meret, 26 million yevro
Meret “Napoli”ga besh yil avval 2018 yilning yozida kelib qo‘shilgandi. U "Udineze"dan 26 million yevroga ijaraga olinganidan so‘ng sotib olindi. Ochig‘i, bu chempionlik jamoasining darvozaboni ekanligiga hamma ham rozi bo‘lmaydi. Mish-mishlarga ko‘ra, bir yil avval neapolliklar Kepa bilan shartnoma imzolash uchun uni “Spesiya”ga ijaraga berishmoqchi edi. Ammo Meret bu mavsumda A Seriyadagi 76 foiz zarbalarni bartaraf etdi. Bu ligadagi 81 foiz natija ko‘rsatayotgan "Lasio" a’zosi Ivan Provedeldan keyin ikkinchi eng yaxshi ko‘rsatkichdir.
Jovanni Di Lorenso, 9,8 million yevro
Bugungi kunda Di Lorenso "Napoli" sardori va Italiya chempionatida o‘ynagan daqiqalar soni bo‘yicha peshqadam (2959). 2019 yilning yozida o‘ng qanot himoyachisi “Empoli”dan kelgan edi, u uchun ular unchalik ko‘p pul to‘lashmagan – 9,8 million yevro.
Amir Rrahmani, 14,2 million yevro
Kosovo terma jamoasining markaziy himoyachisiga “Verona”da o‘ynagan paytlari “Napoli” skautlari e’tibor qaratishdi. 2020 yilning yanvarida Rrahmani sotib olindi va uning uchun 14,2 million yevro to‘landi.
Kim Min Chje, 18 million yevro
Janubiy koreyalik markaziy himoyachining o‘yini haqiqiy kashfiyot bo‘ldi. Bir yil avval “Napoli” Kim Min Chjeni “Fenerbaxche”dan 18 million yevroga sotib olgach, Yevropada uni kam odam tanir edi. Endi esa u Spaletti jamoasi himoyasida asosiy figura hisoblanadi. Yevropaning top-klublari janubiy koreyalik futbolchini uning 53 million yevro miqdoridagi tovon pulidan foydalangan holda sotib olishga tayyor.
Mario Rui, 9,5 million yevro
Portugaliyalik chap qanot himoyachisi Italiyada 2011 yildan beri o‘ynaydi va bu mavsumda u o‘zini ko‘rsata oldi. Rui A Seriyada 6 ta golli uzatmani amalga oshirdi: u "Napoli"ning Kvarasxeliya va Ziyelinskidan keyin uchinchi eng yaxshi assistenti. Mario "Napoli"da 2017 yilning yozidan buyon to‘p tepmoqda. U avvaliga “Roma”dan 3,75 million yevroga ijaraga olingan, keyin esa yana 5,75 million yevro qo‘shib sotib olindi. U “Oltin” tarkibda “Napoli”ga eng arzon narxga tushdi.
Stanislav Lobotka, 21 million yevro
Slovak "Napoli" skautlari uchun ajoyib topilmadir. Ular uni Ispaniyada topishdi: klub prezidenti Aurelio De Laurentis Lobotkani "Selta"dan olish uchun 21 million yevroni ayamadi. Joriy mavsumda Stanislav ko‘p ko‘rsatkichlar bo‘yicha jamoada eng yaxshisi bo‘ldi.
Zambo Angissa, 17,3 million yevro
"Napoli"ga o‘tishidan oldin kamerunlik futbolchi ham katta futbolchi sifatida tilga olinmagan. Parfenopiyaliklar Anguissni 2021 yilning yozida "Fulxem"dan sotib olishdi: birinchi mavsum uchun ijara 1,3 million yevroga tushdi va bir yildan so‘ng huquqlarni to‘liq sotib olish yana 16 million yevro berishdi.
Piotr Ziyelinski, 16 million yevro
Polyak “Napoli”da yetti yildan beri to‘p tepadi. Zelinskiyning transferi 2016 yilda “Udineze”dan klubga 16 million yevroga tushdi. Hozirgi tarkibdan u jamoaning asosiy eng ko‘p o‘yin o‘tkazgan futbolchisi hisoblanadi (323ta o‘yin).
Irvin Losano, 45 million yevro
Losanoning transferi neapolliklar tarixidagi ikkinchi eng qimmat transfer hisoblanadi. Meksikalik futbolchi 2019 yilning yozida PSVdan 45 million yevro evaziga sotib olindi. Qanot hujumchisi Italiyada yorqin o‘yinlar o‘tkazdi. Deyarli har bir transfer oynasida Irvinning "Napoli"dan ketishi mumkinligi haqida mish-mishlar bo‘lgan, ammo u qolgan va bundan afsuslanmasligi aniq.
Xvicha Kvarasxeliya, 11,5 million yevro
Kvarasxeliyaning Rossiyadan ketishi italyan klubiga juda kam xarajat evaziga vinger sotib olishga yordam berdi. 11,5 million yevroga transfer Batumining "Dinamo" klubi hisobiga tashkil qilingan. Xvicha mavsumni super tarzda o‘tkazyapti.
Viktor Osimxen, 75 million yevro
Ammo “Napoli”ning asosiy yulduzi baribir Osimxen hisoblanadi. Bundan tashqari, nigeriyalik boshqa o‘yinchilardan ko‘ra klubga qimmatga tushdi: 75 million yevroga hujumchi transferi neapolliklar tarixidagi rekord hisoblanadi. Viktor 2020 yilning kuzida “Lill”dan ko‘chib o‘tgandi. Agar Osimxenni tarkibdan olib tashlasangiz, “Napoli”ning “Oltin tarkibi” o‘tgan yilgi “Milan” bilan bir xil mablag‘ sarflagani ma’lum bo‘ladi. Lekin siz uni olib tashlay olmaysiz. 22 ta gol urgan eng yaxshi to‘purari bo‘lmaganida, "Napoli" kubokni qo‘lga kiritishi qiyin edi. Aytishlaricha, bugungi kunda De Laurentis Osimxen uchun ikki baravar ko‘p - 150 million yevro talab qilmoqda.
"Napoli" tarkibining yakuniy qiymati: 263,3 million yevroni tashkil qildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
