Миржалол Қосимов: «Аделаида»даги натижани ўша пайтдаёқ эсдан чиқарганмиз»
ОЧЛ чорак финалидан ўрин олган «Бунёдкор» ва «Аделаида» учрашувидан олдинги матбуот анжуманининг иккинчи қисмида «Бунёдкор» бош мураббийи Миржалол Қосимов ва жамоа ҳужумчиси Камолиддин Мурзоевлар қатнашишди.
Миржалол Қосимов: - Эртага жуда қизиқарли ўйин бўлади. Сабаби икки яхши жамоа куч синашади. Австралиядаги натижага қарамасдан анча мураккаб учрашув бўлиши тайин. Ҳужумкор футбол бизни олдинда кутмоқда.
Камолиддин Мурзоев: - Мухлислар учун ҳаракат қиламиз. Бунақа яқин келмаганмиз финалга. Бу биз учун Ўзбекистон учун ҳам жуда катта ютуқ бўлади. Буни ҳис қилган ҳолда бор кучимиз билан кейинги босқичга чиқиш учун ҳаракат қиламиз
- Биринчи ўйинда жамоага омад кулиб қолганди. Бу ўйинда қанақадир қўшимча вазифалар бўладими?
- Бу фикрингизга бироз қўшилмаган бўлардим. Тўғри қизил карточка ёрдам берган бўлиши мумкин лекин биз ҳам ёмон ўйин кўрсатмадик. Албатта эртага биринчи навбатда ҳимояга асосий эътибор қаратилади. Кейин яримҳимоя чизиғига эътиборни қаратамиз. Осон ўйинларнинг ўзи қолмаган. Қўшимча қилиб ўтишим мумкин Ўзбекистон чемпионатининг сўнгги учрашувида Бунёдкор 10 киши бўлиб ғалаба қозонди.
- Меҳмонлар устози «Бунёдкор»га 9-10 кун ичидаги зич календар ёрдам бериши мумкин дейишмоқда. Балки бу аксинча бўлар...
- 9-10 кун эмас балки бутун мавсум бошидан буён шунақа ҳолат кузатилмоқда. Терма жамоа йиғинларига чақирилган футболчилар бор. Лекин иложи борича эртага жисмонан тайёр футболчиларни сафга қўямиз.
- Эртага «Аделаида»га ғалаба зарур. Рақиб ҳужумкор футбол кўрсатади. Нестеровнинг баъзи хатоларини кўриб туриб ундан хавотир олмаяпсизми?
- Йўқ. У ёш бола эмас. Қандай ўйнаш кераклигини жуда яхши билади. Миллий терма жамоа таркибида ҳам «Бунёдкор» таркибида ҳам бир қатор қийин масъулиятли ўйинларда тўплаган тажрибаси бор. Қолаверса футбол жамоавий ўйин. Нестеров жамоадошларига, жамоадошлари Нестеровга ёрдам беришса барчаси яхши бўлади. Шунингдек футбол мухлислари бизни қўллаб-қувватлаши бизга қўл келади.
- «Аделаида»га қарши охирги ўйинда ўзингиз учун ниманидир кашф қилдингизми?
- Албатта бу жамоани яхши билардик. Бироқ бу сафар улар олдингиларига қараганда, ҳужумкор футболни маъқул кўрди. Бу биз учун янгилик бўлди. Уларнинг яримҳимояси жуда кучли. Энг асосий қуролларидан бири эса стандарт вазиятлардан унумли фойдалан олишидир.
- «Аделаида» ҳужумкор футбол кўрсатади, дедингиз. Ўз навбатида «Бунёдкор» қандай учрашув кўрсатади?
- Биринчи навбатда биз ўз уйимизда тўп сурамиз. Биз «Аделаида»даги натижани унутганмиз. Эртага биринчи навбатда тезкор гол уриб олишимиз талаб этилади ва албатта боя айтганимдек, ҳимояда эҳтиёткорроқ бўлишга ҳаракат қиламиз. Бу жуда муҳим. «Адеилаида» қарши ҳужумда жуда яхши ўйи кўрсатади. Шуни тўсиб қолишга ҳаракат қиламиз.
Киритилди: 15:50, 02.10.2012. Ўқилди: 5033 марта. Фикрлар: 15 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Насаф
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
