Сўнгги пайтларда ярим жамоа эмас, ундан ҳам кўп эътирофга лойиқ ўйин кўрсатаётган «Реал Мадрид»нинг бельгиялик дарвозабони Тибо Куртуа Vanity Fair нашрига интервью берди.
Унда кипер Испания пойтахтидаги фаолияти ва умуман ҳаёти ҳақида гапирди.
- «Реал Мадрид»ни таърифлаб берингчи!
- «Атлетико» ва «Челси» каби катта клубларда ўйнаганимдан бахтиёрман, аммо «Реал Мадрид» дунёдаги энг яхшиси. Қаерда бўлишингиздан қатъий назар - ҳамма сизни билади, агар жамоа чемпионликни қўлга киритган бўлса, сизни табриклашади. «Реал Мадрид» - бу бошқа даража!
- Катта футболга қадам ташлаганингиз - «Генк» ҳақида, ўша давр ҳақида гапириб беринг.
- 14 ёшимда бўйим бирдан катта суръатда ўса бошлади ва мени дарвозага қўйишди, гарчи мен илгари ҳимоячи бўлган бўлсам ҳам. Кейинчалик қайсидир паллада ўз позициямни ўзгартириш ҳақида ҳам ўйлагандим. Яхшиямки, бундай қилмабман, акс ҳолда ҳозир «Реал»да ўйнамаётган бўлармидим...
- 18 ёшингиздаёқ «Челси»дек катта клуб сизни трансфер қилди, кейин «Атлетико»га ижарага берди...
- Кўпчилик менга «Атлетико»га ўтишдан олдин Бельгияда яна бир йил қолишни маслаҳат берди, лекин профессионал ва шахс сифатида ўсишни хоҳлаётганимни билардим, шунинг учун у ердан кетдим.
- Флорентино Перес билан муносабатингиз қандай?
- Флорентино билан муносабатларимиз яхши, у хўжайин ва бизни ғалаба қозонишимизни хоҳлайди. Менга унинг бошқарув услуби ёқади, чунки у жамоага яқин, ҳеч бир ўйинни ўтказиб юбормайди. Мен олдин бундай раҳбарни кўрмаганман. У кўп нарсани талаб қилади, лекин буюк президент - у ҳамма нарсага эришди. Биз, албатта, мессенжерларда ёзишмаймиз, лекин ўйинлардан олдин ва кейин гаплашамиз. Трибунада Флорентино ҳар доим қаллиғим билан, бошқа ўйинчиларнинг оилалари билан мулоқот қилади. Биз ҳатто уни тўйимизга таклиф қилдик, умид қиламанки, у келади.
- Кийиниш хонасида энг яқин дўстларингиз кимлар?
- Бразилияликлар билан жуда кўп кулишамиз, лекин улар жуда ёш ва бизнинг манфаатларимиз майдон ташқарисида фарқ қилади - мен аллақачон оилавий одамман, фарзандларим бор. Яқинда Феде Вальверде ўғлининг туғилган кунида ажойиб вақт ўтказдик, у ерда биздан ташқари яна бир нечта жамоадошлар бор эди. Бу жамоадаги атмосфера учун ҳам фойдали. Вальверде, Алаба ва Лукас Васкес билан алоқаларимиз анча илиқ.
- Карло Анчелотти ҳақида қандай фикрдасиз?
- Анчелотти ҳамма нарсани тўғри тушунади. Декабрдан июнгача нафас олишга имконимиз йўқ - ҳар 3 кунда ўйнаймиз. «Мадрид»да ҳар доим ғалаба қозониш шарт, шунинг учун вақти-вақти билан алоқани узиш жуда муҳимдир.
- Футболчининг энг оғир дамлари қайси?
- «Атлетико»га келганимда олган сабоқларимдан бири шундаки, мен ҳаммага ҳам ишона олмайман. Одамлар пул учун менга яқинлашдилар. Футболчилар кимгадир ишониш, пул билан бирга йўқ бўлиб кетадиган бизнесга сармоя киритиш орқали таваккал қилишади.
М.ПЎЛАТОВ тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
