"Ман Сити" "Реал"дан ўтди, энди фақат "Интер" қаршилигини енгиш қолмоқда. Бу Пеп Гвардиола фаолиятидаги асосий еврокубокнинг олтинчи финали бўлади: у икки марта футболчи сифатида, уч марта мураббий сифатида финалда иштирок этган.
Ҳал қилувчи ўйинларда мураббийлар орасида фақат Карло Анчелотти ундан устун бўлиб қолмоқда. Италиялик беш бор финалда ишлаган бўлса, Гвардиола, Алекс Фернусон, Юрген Клопп ва Марсело Липпи тўрттадан.
Хўш аввалги финалларда унинг натижаси қандай бўлган?
1992 йил 20 ёшида кубокни қўлган киритган
Гвардиола 1990 йилда "Барса"да дебют қилган, 1991/92 йилги мавсумда эса у аллақачон жамоанинг асосий ўйинчиси бўлиб, "олтин дубл"га эришганди. Пеп ўша вақтда Италиянинг Guerin Sportivo журнали томонидан дунёнинг 21 ёшгача бўлган энг яхши футболчиси деб топилган эди.
Еврокубокнинг финал ўйини "Сампдория"га қарши "Барса" учун қийин кечди. Ўйин тақдири 112-дақиқада ҳал бўлган. Роналд Куман жарима зарбасидан гол уриб жамоага ғалаба келтирган.
1994 йил “Милан” кучлироқ эди
"Барса" 1994 йилда яна финалга чиқди. "Монако", "Галатасарой" ва "Спартак" билан гуруҳда биринчи ўринни эгаллади, "Порту" ярим финалда "Милан" эса финалда Паоло Малдини, Звонимир Бобан ва Марсел Дезаи билан уларни кутиб турар эди.
Миланликлар ҳар бир бўлимда иккитадан гол урди ва “Барселона”ни 4:0 ҳисобида мағлуб этди. Бу Пепнинг футболчилик фаолиятидаги асосий еврокубокнинг иккинчи ва охирги финали эди.
2009 йил мураббийлик фаолиятидаги кучли дебют
15 йилдан сўнг Пеп "Барса" бош мураббийи сифатида финалга чиқди. "Барселона" треблга эришди. Буюклик чўққиси Рим финалида Алекс Фергюсон бошчилигидаги "МЮ"га қарши бўлиб, Самуэль Этo'О ва Лео Мессининг голлари билан чемпионликни олиб келди.
2011 йил ўз ишида давом этди
Орадан икки йил ўтиб Гвардиола бошчилигидаги "Барселона" яна треблга иложи борича яқинлашди: улар Ла Лигада ҳам, Чемпионлар Лигасида ҳам ғалаба қозонишди фақат Испания кубоги финалида "Реал"га ютқазишди.
Чемпионлар лигасининг ҳал қилувчи ўйини - яна "Манчестер Юнайтед"га қарши бўлди. “Уембли”да Педро ҳисобни очган бўлса, Уэйн Руни тезда ҳисобни тенглаштирди. Иккинчи бўлимда "Барса" якуний нуқтани қўйди: Месси ва Давид Вилянинг голлари эвазига клуб тарихидаги тўртинчи еврокубокни қўлга киритишди.
2021: "Сити"даги илк уриниш
Пеп 10 йил давомида Чемпионлар лигасининг навбатдаги финалини кутди. У ҳал қилувчи баҳсларда доим тактика билан ақлли бўлган мураббий тимсолини кўрсатади.
COVID'дан кейинги шиддатли мавсумда финалга йўл оларкан, "Сити" Дортмунднинг "Боруссия"сини ҳам, “Париж Сен-Жермен”ни ҳам мағлуб этди. Финалда "Челси" билан ноқулай Томас Тухель мураббийлик қилди. Ҳаммасини биринчи бўлим охирида Кай Ҳаверцнинг голи ҳал қилди.
“Мен ғалаба учун оптимал таркибни белгилашга ҳаракат қилдим. Биринчи бўлимда ҳимояни ёриб ўта олмадик. Танаффусдан кейин ўйин анча яхшиланди. "Челси"нинг ҳимоявий тузилмаларига қарши ўйнаш осон бўлмади. Биз ажойиб мавсумни ўтказдик. Афсуски, улар ғалаба қозона олишмади. Ҳаракат қилдик, аммо уддасидан чиқа олмадик”, - дея хулоса қилди Гвардиола ўйиндан сўнг.
Икки йил ўтиб, Пеп яна Чемпионлар лигасида ғалаба қозонишга ҳаракат қилади. Агар "Интер" халақит қилмаса…
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
