Яқинда 20 ёшлилар ўртасида Осиё чемпиони бўлган терма жамоамиз нафақат Осиё, балки жаҳон футбол мухлис ва мутахассислари эътирофига сазовор бўлишди. Бугун Жаҳон чемпионати мезбони Аргентина U-20 термасига қарши дастлабки ўйинда иштирок этадиган ёшларимизнинг имконияти Жанубий Корея матбуотида спорт журналистлари томонидан таҳлил қилинди.
Жанубий Кореянинг машъҳур naver.com сайтида «Ўзбекистон Осиёда ривожланаётган кучга айланди!» деб номланган мақоладан эътиборли таҳлилларни келтириб ўтамиз.
“Ўзбекистон U-20 терма жамоаси Кореяни ортда қолдириб, Осиё чемпионига айланди ва ушбу ёш доирасида Ўзбекистон тарихда илк бор чемпионлик кубогини кўтарди. Мураббий Равшан Ҳайдаров бошчилигидаги терма жамоа чорак финалда Австралияни мағлуб этиб, ярим финалга йўл олди ва 2023 йилги ФИФА U-20 Жаҳон чемпионатига муддатидан олдин йўлланмани қўлга киритди. Шундан сўнг Ўзбекистон ярим финал ва финал баҳсларида навбатма-навбат Корея ва Ироқ терма жамоаларини мағлуб этиб, тарихда илк бор қитъа чемпиони бўлиш завқидан баҳраманд бўлди.
Ўзбекистон U-20 терма жамоаси бу гал 20 ёшгача бўлган футболчилар ўртасидаги жаҳон чемпионатида чорак финалга чиқиш бўйича ўзининг энг яхши кўрсаткичидан (2013, 2015) ўтиб, янги тарих ёзиш иродасини намоён этмоқчи.
Мураббий Равшан Ҳайдаров ҳақида
Ҳайдаров Ўзбекистон Ўзбекистон футболига катта ҳисса қўшган инсондир. 2018-йилда Ўзбекистон U-23 терма жамоаси билан U-23 Осиё чемпионатида ғалаба қозониб, Ўзбекистон футболи тарихида из қолдирди. Бу йил эса U-20 терма жамоасини бошқариб, яна бир бор янги тарих ёзди.
Ҳайдаров 3-4-3 схемасидан фойдаланади, жамоа тўпга эга бўлганда чизиқларни мустаҳкам ушлаб туради. Бу ҳолатда тўп йўқотилган тақдирда ҳам тезда қайта прессинг орқали ҳужум қилиш имконини қайтариш мумкин. Ушбу тактика Ўзбекистонга 20 ёшгача бўлган футболчилар ўртасидаги Осиё Кубогида тўқнаш келган 7 жамоадан 6 таси устидан ишончли устунликни тақдим этди. Шунингдек, рақиб жамоа устун кўринса, 4-2-3-1 ёки мустаҳкам 5-4-1 схемасига ўтади. Бу тактикалар Ўзбекистонга U-20 Осиё кубогида бешта ўйинда ўз дарвозаси дахлсизлигини сақлаб қолиш имконини берди.
Ўзбекистоннинг асосий футболчиларидан бири — Абдуқодир Ҳусанов
Ўзбекистоннинг темир панжара билан қопланган ҳимоя чизиғини марказий ҳимоячи Ҳусанов қўриқлайди. Ҳусанов ҳозирда Беларус Премьер-лигасига ўтди ва Минскнинг «Энергетик-БГУ» жамоасида ўйнамоқда. У иккала оёғида ҳам яхши ўйнайди. Қолаверса, у тўпни ўзида ушлаб туриш қобилиятига эга ва мураббий Ҳайдаровнинг доимий ўзгарувчан тактикасига мос футболчи. Ҳусанов кучли ва тезкор ҳимоя чизиғини мустаҳкам қўриқалаб, ён ҳимояда ҳам самарали иштирок эта олади. Ҳусанов U-20 Жаҳон чемпионатида ҳам муҳим роль ўйнаши кутилмоқда.
Кўп қиррали ҳужумчи — Файзуллаев
Ўзбекистон термаси ҳужум чизиғида масъул ўйинчи - серқирра ҳужумчи Файзуллаевдир. Файзуллаев мураббий Равшан Ҳайдаровнинг 3 та асосий тактикасида «ўқ» вазифасини бажаради. Файзуллаев U-20 Осиё кубогида илк бор Ўзбекистон терма жамоаси либосини кийди. Сурия дарвозасига битта гол ва битта голли узатма ёздириб, турнирда ёрқин таассурот қолдирди. У ўз жамоасида ҳам ажойиб ўйин кўрсатмоқда. 8 йил муқаддам 2015 йилги ФИФА U-20 Жаҳон чемпионатида «Пахтакор»да порлаган Достонбек Ҳамдамов халқаро майдонларда кўзга кўринган бўлса, бу йил янги юлдуз Файзуллаев кашф бўлди”.
Раҳмиддин Шерматов
Жанубий Корея, Тэгу шаҳри
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
