"Барселона"га Марко Асенсио ёқади, аммо клуб футболчини ўз сафига қўшиб ололмайди.
Олдинроқ "Реал"нинг ҳужумкор ярим ҳимоячиси эркин агент сифатида клубни тарк этишга қарор қилгани маълум бўлганди.
Mundo Deportivo хабарига кўра, "Барселона" раҳбарияти ва бош мураббийи Хавига Асенсио ёқади, у клубга 100 фоиз мос келадиган футболчи саналади. "Блауграна" Марко клубга Европа мусобақаларида рақобатни кучайтириш учун зарур бўлган сифатли трансфер бўлишига ишончи комил.
Бироқ, "Барселона" "Реал" билан зиддиятлардан қочишни афзал кўради. Каталонияликларнинг фикрича, мадридликлар Марконинг рақобатчиларга ўтишини ҳақорат деб билишлари ва бунга жавобан "блауграна"нинг муҳим ўйинчиларидан бирини қўлга киритишга ҳаракат қилишлари мумкин.
Бундан ташқари, "Барса" агар Асенсио билан шартнома тузиб, Лионель Месси қайтса, клубда ярим ҳимоячилар жуда кўпайиб кетишини тушунади.
Бу омиллар клубнинг Марконинг трансферини рад этишига таъсир қилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).