Про лиганинг 11-туридан ўрин олган “Локомотив” – “Навбаҳор-фарм” (1:0) жамоалари ўртасидаги учрашувдан кейинги матбуот анжуманининг биринчи қисмида фарм меҳмонлар устози Рашиджон Ғофуров иштирок этиб, ОАВ ходимларининг саволларига жавоб берди.
— Илк дақиқада ўз дарвозасидан тўп олиб чиққанлигини ҳисобга олмасак, “Навбаҳор-фарм” қолган вақт давомида жанговар ўйин намойиш этди...
— Ушбу учрашувдан олдинги кўрсатмада йигитларга: “Мезбонлар дастлабки 15 дақиқада бор кучларини кўрсатишга ҳаракат қилишади, шунга чидаб берсак, уёғига ўйин тенглашади”, дегандим. Афсуски, тезкор гол баҳс тақдирини ҳал қилди. Бироқ йигитлар тезда ўзларига келишди. Футболчиларимга эътирозим йўқ. Биринчи ўриндаги ва 7-ўриндаги жамоалар ўртасидаги баҳсда ўйин сифатида катта фарқ билинмади. Доим шунақа, чиройли ўйин кўрсатамиз, бироқ натижани рақиб илиб кетади. Иккинчи даврада ҳаммаси ўнгланади, деб ўйлайман.
— “Локомотив”нинг 2-бўлимда ҳимоявий ўйин намойиш этишини кутганмидингиз?
— “Локомотив” ҳеч қачон ўз майдонида ҳимояда ўйнамайди, аммо биз шунга мажбур қилдик. Ғалаба қозонмаган бўлсакда, йигитлардан жуда мамнунман. “Темирйўлчилар”га эътирозим йўқ, улар нега турнир жадвалида 1-ўринда эканликларини исботлашди.
— “Навбаҳор-фарм”нинг вазифа ва мақсадлари нималардан иборат?
— Мақсадимиз – “Навбаҳор”нинг асосий жамоасига футболчилар етиштириб бериш. Чунки таркибимиз маҳаллий футболчилардан ташкил топган. Бундай жамоалар кам эмас, йўқ бўлса керак.
— Жамоа ҳар ўйинда охиригача кураш олиб борадими?
— Албатта. Йигитларда босим йўқ, улар ўз кучларини намойиш этиш учун ҳаракат қилишади. Зўрға ютиб, келаси баҳсда нима қиларканмиз, дейишдан кўра, чиройли ўйин кўрсатиб, мағлуб бўлган яхши.
— Айни дамда сиз учун натижа муҳимии ёки чиройли ўйин?
— Аслида натижа муҳим. Аммо пала-партиш ўйин билан натижага эришиб бўлмайди. Битта баҳсда ютарсиз ёки иккита. Бироқ кейинчи? Ҳозир чиройли ўйинга эришиб, иккинчи даврада натижаларни ижобий томонга ўзгартирмоқчимиз. Йигитлардан умидим катта. Улар ўзларини кўрсата олишяпти. Куни келиб, бу ўйин ўз мевасини беради.
“Навбаҳор” ПФК матбуот хизмати.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
