"МЮ" учун ушбу ёз жуда ҳам қизғин кечиши тахмин қилинган. Негаки, клуб асосий таркибни кучайтириб олиши лозим. Эрик тен Хаг майдоннинг қайси қисми, нисбатан заиф эканини яхши билади. Шу сабабдан тезда ҳаракат бошлаш лозим. Жамоага энг керак бўлиб турган аплуа бу ҳужумчидир. Марказий ҳужумчи муаммоси "қизил иблислар"ни Роналду кетганидан буён қийнаб келмоқда. Бу масалани ечими эса юқори даражага эга страйкер билан якун топади. "ПСЖ" юлдузи Килиан Мбаппе ўз жамоасида бир мавсумдан ортиқ қолмаслигини билдирганидан кейин, айтиш мумкинки, манкунианликларнинг ҳам "пайтавасига қурт тушди".
24 ёшли супер-юлдуз Пари Сен-Жермен раҳбариятига ўз истакларини расмий равишда баён қилиш мақсадида мактуб йўллади. Кейин эса омма олдида ҳам ўзининг кетиш ниятини очиқ билдирди. Бу ҳақида футболчининг ўзи шундай дейди:
"Мен шундан бери "ПСЖ" билан ҳеч қандай музокаралар ўтказмадим. Рабарият менинг 2024 йилнинг ёзидан уёғига жамоада қолмаслигим ҳақида хабардор қилинган. Шу сабабдан уларга расмий хат ҳам жўнатилганди".
Гарчанд Мбаппе ўз Тwitter саҳифасида парижликлар сафида кейинги ёзга қадар қолишини таъкидлаган бўлса ҳам, унинг янги клубга ўтиши билан боғлиқ миш-мишлар тинмаётир. Унинг эҳтимолий манзилларидан бири сифатида "Манчестер Юнайтед" қайд этилмоқда. Агарда шундай бўлса, у Маркуз Рэшфорд билан даҳшатли жуфтлик ҳосил қилади.
Эрик тен Хаг "МЮ" раҳбариятига ўзига керакли футболчиларни олиб беришни талаб қилиб келмоқда. Нидерландиялик мутахассиснинг кўнглидаги таркиб бунёд бўлса, янги мавсумдан "қизил иблислар" ҳам чемпионлик учун курашга кириши мумкин бўлади. Бунинг учун эса Мбаппе каби футболчилар зарур. Шунингдек, янги ярим ҳимоячи, марказий ҳимоячи ва дарвозабон ҳам талаб этилади.
Давид Де Хеа июнь охирида эркин агентга айланиши эҳтимоли билан "МЮ" бир нечта дарвозабон вариантларини кўриб чиқмоқда. Улар ичида "Порту"посбони Диегу Кошта ва "Эвертон" сардори Жордан Пикфордлар бор. Бу номларнинг ҳар иккисини ҳам Де Хеадан кўра оёқда яхши ўйнашини алоҳида таъкидлаш жоиз.
Ҳимояда ҳам янги номлар пайдо бўлиши кутилмоқда. Шулардан бири "Наполи" юлдузи Ким Мин Жэдир. У Рафаэль Вараннинг ўрнини эгаллаши ва Лисандро Мартинес билан тандем ҳосил қилиши мумкин.
Ярим ҳимояга Мейсон Маунт харид қилиниши кутилмоқда. У Кристиан Эриксен ва Бруну Фернандешни ротация қилишда асқотади. Ҳужум чизиғига Мбаппе каби мослашувчан, ҳар уч позицияда ўйнай оладиган футболчининг келиши, тен Хаг жамоасининг ҳужумига динамизм қўшиши муқаррар. Шундай ҳолда ҳужум марказида Мбаппе унинг чап томони Рэшфорд, ўнг томони эса Антони ёки Санчо билан тўлдирилади. Иккинчи вариантда Рэшфорд ва Мбаппе ўрни алмашади. Ёхуд тен Хаг фақатгина Рэшфорд ва Мбаппедан олдинги чизиқда фойдаланади.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
