"Бунёдкор" - "Ульсан Хёндэ" жамоалари ўртасидаги ўйинолди матбуот анжуманининг иккинчи қисмида мезбонлар бош мураббийи Миржалол Қосимов ва ярим ҳимоячи Жасур Ҳасанов иштирок этишди.
Миржалол Қосимов:
— Эртага бизни муҳим ўйин кутиб турибди. Рақибни ҳурмат қилган ҳолда, ўйин қийин кечишини тахмин қилиш мумкин. Шогирдларим берган кўрсатмаларимни тўлиқ бажаришса, ютуқ биз томонда бўлади. Ҳар бир футболчи жонини бериб охиригача ўйнаса, мухлислар олдидан бошимизни баланд кўтарган ҳолда стадионни тарк этамиз.
Жасур Ҳасанов: — Ўйинга 100 фоиз тайёрмиз. Умид қиламан, эртага ғалаба биз томонда бўлади.
— "Бунёдкор"нинг аксарият футбочлилари терма жамоада ҳам ўйнашади. Бу ҳолат натижасида уларда чарчоқ аломатлари сезилмайдими?
— Бундай ҳолат фақат бизда эмас, рақибда ҳам бор. Бундай ўйин ҳар доим ҳам бўлавермайди. Шунинг учун қўшимча имкониятларимизни ишга солиб, яхши ўйин кўрсатишимиз керак. Агар финалга чиқа олсак, финал Тошкентда бўлади. Биз финалга чиқиб, мухлисларимизга финал ўйинини тақдим этмоқчимиз.
— "Бунёдкор" таркибида йўқотишлар йўқ, аммо мураббийлар штабида йўқотиш бор. Эртага захира ўриндиғида ўтира олмайсиз. Бу ҳолат юзасидан нима дея оласиз?
— Эртага захира ўриндиғидан олис бўлмаган жойда ўтириб, руҳан жамоа билан бирга бўламан. Шогирдларим берган кўрсатмаларимга тўғри амал қилишга, ҳеч қандай муаммо бўлмайди. Бу йўқотиш эмас, мен кийиниш хонасига киришим мумкин.
— "Аделаида" билан ўйинда сиздан ташқари футболчи ҳам қизил карточка ҳам олганди. Унинг йўқлиги бу ўйинда қанчалик сезилиши мумкин?
— Футболда карточкалар, жароҳатлар бўлиб туради. Ҳар бир футболчининг ўрнини тўлдирадиган футболчилар бор. Эртанги ўйинда унинг йўқлиги сезилмайди, деб ўйлайман.
— "Ульсан" жамоаси ҳақида фикрингиз.
— Жамоанинг ярим финалгача етиб келишининг ўзиёқ клубнинг кучидан дарак бермоқда. Жамоада терма жамоага аъзо футболчилар бор. Масалан, дарвозабон, 5, ва 9 ва 11-рақамли футболчилар, шунингдек, колумбиялик ва бразилиялик легионер ҳужумчилар кучли. Улар шу ўйинчиларнинг ёрдамида шу босқичгача етиб келишди. Жамоанинг ҳужум чизиғи кучли.
— Жасур, сиз қанотда тезкор ҳаракат қиласиз, аммо охирги пайтларда ҳужумга кам қўшиляпсиз. Бу мураббий кўрсатмасими ёки ҳозирги ўйин услубингиз сизга қулайроқми?
Ж.Ҳасанов: — Мураббий турли ҳолатларда ўйнашимни таъкидлайди. Эртанги вазиятга қараб, ҳам ҳужумда, ҳам ҳимояда икки баравар куч билан ҳаракат қиламан.
— Жасур, "Аделаида Юнайтед" билан ўйиндан кейин Австралия жамоаси сиз билан қизиқаётгани ҳақида агентингиз Санъат Шарипов Твиттер орқали хабар тарқалди. Бу жамоа сизга ростдан қизиқдими ёки бу шунчаки пиармиди?
Миржалол Қосимов: — Бу саволга мен жавоб берсам бўладими? Бу пиар эмас. Жасур менга "Адалаида" билан ўйинда аввал, агар ОЧЛ ярим финалига чиқсак, "Бунёдкор"дан кетмайман дегб айтганди. Биз ярим финалга чиқдик ва Жасур сафимизда қолди.
— "Ульсан"дан қандай ўйин кутяпсиз? Бу жамоанинг Кореянинг бошқа жамоалари — "Поханг Ситлерс" ва "Сёнгнам Ильва Чунма"дан қандай фарқи бор?
— Жамоанинг ярим ҳимоячиси ва ҳужуми кучли. Давралар оралиғида Рафиньяни ўз сафига қўшиб олиб, янада кучайди. "Ульсан" ҳимояда ҳам, ҳужумда бехато ўйнамоқда. Клуб ҳужумга ўтаётганида бутун жамоа бўлиб олдинга ўтмоқда ва ҳимояланаётганда ҳам жамоавий ҳимояланмоқда. Қарши ҳужумга ҳам, ҳимояга ҳам тезкорлик билан ўтиб, қайтади. Чизиқлар орасида бўшлиқ йўқ. Мана шу сабабга кўра, жамоа "Ал-Ҳилол"ни йирик ҳисобда мағлуб эта олди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
