Мана, Хосеп Гвардиола турнирнинг 3 карра чемпион-мураббийлари қаторига қўшилди. 10 июнь куни Истанбулда унинг «Манчестер Сити»си «Интер»ни ягона гол эвазига доғда қолдирди. Шу тариқа испаниялик мутахассис бунга қадар Европа клуб футболидаги асосий турнир кубогини камида 3 марта қўлга киритган 3 нафар етук мураббий сафига кирди.
Карло Анчелотти ўтган мавсум Европа Чемпионлар кубоги/Чемпионлар Лигасида 4 марта ғалаба нашидасини сурган биринчи мураббийга айланган эди. Энди эса даҳшатнамо «Манчестер Сити»нинг Истанбулдаги ғалабасидан кейин Хосеп Гвардиола 3 карра ғолиблар элит гуруҳига қўшилди. Испаниялик мутахассис шунинг баробарида турли жамоалар билан «шалпангқулоқ» кубок соҳибига айланган атиги 6-мураббий бўлди.
Энди асосий еврокубок турнири тарихидаги энг муваффақиятли мураббийларга бирма-бир эътибор қаратамиз.
Карло Анчелотти (Италия) - «Милан» (2003, 2007), «Реал» (2014, 2022)
Футболчилик даври маданиятли ярим ҳимоя генерали сифати билан «Милан» сафида турнирнинг икки карра ғолибига айланган Анчелотти мураббийликда бу натижасини кескин яхшилади. Дон Карло аввалига 2003 йил («Ювентус»га қарши) ва 2007 йил («Ливерпул»га қарши)ги финалларда «россонерлар» ғалаба қозонишларини таъминлади. У бу орада 2005 йили «Истанбул мўъжизаси»да тайёр чемпионликдан мосуво қолди ҳам. 2014 йилга келиб, мураббий «Мадрид» бошқарувида 3-ғалабасини нишонлади - «Атлетико»га қарши драматик финалнинг қўшимча бўлимлари кўпчилик ёдида бўлса керак. 2022 йили эса Карло бобо ЧЛ тарихида 5та финални кўрган ва 4 марта чемпионликка эришган биринчи мураббий бўлди.
Боб Пейсли (Англия) - «Ливерпуль» (1977, 1978, 1981)
Боб Пейсли 1974 йили «Ливерпуль» бошқарувида афсонавий Билл Шенкли ўрнини эгаллади ва клубни ривожлантириш йўлида бор билимини ишга солишини айтди камтарлик билан. Боб 9 йилдан сўнг истеъфога чиқди, «қизиллар» эса бу орада Англия чемпионатида 6 марта, Лига кубогида 3 марта, УЕФА кубогида 1 марта зафар қучишди. Асосийси, Чемпионлар кубогининг 3 мавсуми айнан «Ливерпул»га аталди. Пейсли жамоаси турнирдаги ўзига хос «хет-трик» учун атиги 5 мавсум сарфлади - 1977 йили «Боруссия» М., 1978 йили «Брюгге» ва 1981 йили «Реал» доғда қолдирилди ҳал қилувчи баҳсда.
Зайниддин Зидан (Франция) - «Реал» (2016, 2017, 2018)
Эҳтимолки, ўз даврининг энг яхши футболчиси бўлган буюк Зизу олтин тусли бутсасини михга илишига қадар ЧЛда атиги бир марта ғалаба нашидасини сурди. Лекин қандай ҳолатда? 2002 йилги финал, «Байер» дарвозасига томон берилган улуғвор зарба... Бунақаси хотиралардан ўчмайди узоқ вақт. 2014 йили «Мадрид»да Карло Анчелотти ассистенти сифатида иш бошлаган Зидан бош мураббий мақомидаги дастлабки 3 мавсумидаёқ беназир рекорд ўрнатди. Яъни тарихда битта клуб билан қаторасига 3 марта чемпионликка эришган биринчи шахсга айланди.
Хосеп Гвардиола (Испания) - «Барселона» (2009, 2011), «Манчестер Сити» (2023)
Замонавий футболнинг энг яхши мураббийларидан бири ЧЛ белгиси остидаги «хет-трик» сари узоқ йўл босди. Тўғри, у дастлабки 2та ютуғини «Барселона»нинг бетакрор модели билан атиги 3 мавсум оралиғида нишонлади - 2009 ва 2011 йиллар. Демак, 3-«шалпангқулоқ»ни 12 йил кутишига тўғри келди. Пеп бу орада «Бавария»да омадсиз уринишларга дуч келди, қолаверса, «Сити»да ҳам ЧЛга боғлиқ ишлари анча вақт самара бермади. Муҳими, у энди 3 карра чемпионлар қаторида!
Европа ЧК/ЧЛнинг икки карра Ғолиб мураббийлари
Хосе Вильялонга (Испания) - «Реал» (1956, 1957)
Луис Карнилья (Аргентина) - «Реал» (1958, 1959)
Бела Гуттманн (Венгрия) - «Бенфика» (1961, 1962)
Эленио Эррера (Аргентина) - «Интер» (1964, 1965)
Мигель Муньос (Испания) - «Реал» (1960, 1966)
Нерео Рокко (Италия) - «Милан» (1963, 1969)
Штефан Ковач (Руминия) - «Аякс» (1972, 1973)
Детмар Крамер (Германия) - «Бавария» (1975, 1976)
Брайан Клаф (Англия) - («Ноттингем Форест» (1979, 1980)
Эрнст Хаппель (Австрия) - «Фейеноорд» (1970), «Гамбург» (1983)
Арриго Сакки (Италия) - «Милан» (1989, 1990)
Оттмар Хитцфельд (Германия) - «Боруссия» Д. (1997), «Бавария» (2001)
Висенте дель Боске (Испания) - «Реал» (2000, 2002)
Алекс Фергюсон (Шотландия) - «МЮ» (1999, 2008)
Жозе Моуринью (Португалия) - «Порту» (2004), «Интер» (2010)
Юпп Хайнкес (Германия) - «Реал» (1998), «Бавария» (2013)
Бир неча клуб бошқарувида Европа ЧК/ЧЛ Ғолибига айланган мураббийлар
Карло Анчелотти - «Милан» (2003, 2007), «Реал» (2014, 2022)
Хосеп Гвардиола - «Барселона» (2009, 2011), «Манчестер Сити» (2023)
Эрнст Хаппель - «Фейеноорд» (1970), «Гамбург» (1983)
Юпп Хайнкес - «Реал» (1998) , «Бавария» (2013)
Жозе Моуриньо - «Порту» (2004), «Интер» (2010)
Европа ЧК/ЧЛда ҳам футболчи, ҳам мураббий сифатида Ғолиб чиҚҚанлар
Карло Анчелотти
Футболчи сифатида - «Милан» (1989, 1990)
Мураббий сифатида - «Милан» (2003, 2007), «Реал» (2014, 2022)
Мигель Муньос
Футболчи сифатида - «Реал» (1956, 1957, 1958)
Мураббий сифатида - «Реал» (1960, 1966)
Йохан Кройфф
Футболчи сифатида - «Аякс» (1971, 1972, 1973)
Мураббий сифатида - «Барселона» (1992)
Франк Райкаард
Футболчи сифатида - «Аякс» (1995), «Милан» (1989, 1990)
Мураббий сифатида - «Барселона» (2006)
Зайниддин Зидан
Футболчи сифатида - «Реал» (2002)
Мураббий сифатида - «Реал» (2016, 2017, 2018)
Хосеп Гвардиола
Футболчи сифатида - «Барселона» (1992)
Мураббий сифатида - «Барселона» (2009, 2011), «Манчестер Сити» (2023)
Жованни Трапаттони
Футболчи сифатида - «Милан» (1963, 1969)
Мураббий сифатида - «Ювентус» (1985)
Европа ЧК/ЧЛда Ғолиб чиҚҚан рекордчи мураббийлар
Кетма-кет ғалаба - Зайниддин Зидан (3 марта)
Энг ёши катта чемпион - Раймон Гетальс (71 ёш)
Энг ёш чемпион - Хосе Вильялонга (36 ёш)
Икки чемпионлик орасида энг катта танаффус - Юпп Хайнкес (15 йил)
Чемпион мураббийлар мамлакатлар кесими бўйича
Италия - 7 нафар мураббий, 12та чемпионлик
Германия - 7 нафар мураббий, 10та чемпионлик
Испания - 6 нафар мураббий, 10та чемпионлик
Англия - 4 нафар мураббий, 7та чемпионлик
Нидерландия - 5 нафар мураббий, 5та чемпионлик
Аргентина - 2 нафар мураббий, 4та чемпионлик
Шотландия - 3 нафар мураббий, 4та чемпионлик
Франция - 1 нафар мураббий, 3та чемпионлик
Португалия - 2 нафар мураббий, 3та чемпионлик
Руминия - 2 нафар мураббий, 3та чемпионлик
Австрия - 1 нафар мураббий, 2та чемпионлик
Венгрия - 1 мураббий, 2та чемпионлик
Бельгия - 1 нафар мураббий, 1та чемпионлик
Югославия - 1 нафар мураббий, 1та чемпионлик
Манба: uefa.com, А.АҲМЕДОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
