УEФА трансферлар бозорига айрим ўзгаришлар киритди. Бунга Тодд Боэли бошчилигидаги "Челси"нинг ўтган мавсум амалга оширган айрим "ўйинлар"и сабаб бўлди. Энди қолганларнинг чўнтагидан баланд пул сарфига имкон берилмайди.
Бундан буёғига клублар трансфер тўловларини футболчининг кўпи билан 5 йиллик шартнома муддати учун тўлай олади. Бу муддатдан кейинги йиллар вақтинча жорий ҳисобга киритилмай турилади. Ушбу тўхтамга келинишига асосий сабаб барча клублар учун тенг имконият яратиш ҳисобланади. Бунинг устига футбол тез суръатлар билан ўсаётган экан, бир футболчига узоқ йиллар "хўжайинлик қилиш" мантиқий жиҳатдан тўғри эмас. УEФА чоршанба куни қоидаларни "барча клубларга тенг муносабатда бўлишни таъминлаш ва молиявий барқарорликни яхшилаш" учун ўзгартирди.
Ўзгартишлар 1-июлдан кучга киради, аммо амалдаги тартиблар ва харидлар ўз кучида қолади. Бу шуни англатадики, "Челси" энди узоқ вақт давомида ўзининг бой раҳбари туфайли янги футболчиларга оғизларига сиққан пулни бера олмайди.
Январь ойида "Челси" пулларни ўзи хоҳлаганича сочди, ўйинчилар учун харажатларни тақсимлаш жараёнида мега шартномалар вужудга келди. Биргина Мудрик учун 62 миллион фунт стерлинг кетган бўлса, Энцо Фернандесни қўлга киритиш учун 108 миллионнинг баҳридан кечилди. Бироқ бу харидлар янги ҳисоб-китобларга кўра тузилган қоидаларни истисно қилади. Бироқ, "Челси" янги қоидаларга зид келган ягона жамоа эмас. "Ливерпуль" ҳам Дарвин Нуньес (78 млн) ва Коди Гакпо (66 млн) билан тузилган шартномалар туфайли жабр чекиши мумкин эди – уларнинг ҳам битими беш йилдан узоқ муддатни ташкил этади. Франциянинг L'Equipe газетаси берган хабарга кўра, УEФА шундай баёнот қолдирган: "Европа клублари томонидан амалга оширилган сўнгги битимлар янги молиявий барқарорликни вужудга келтириш учун янги қоидаларни тузишга сабаб бўлди.
Бунга жавобан, УEФА вице-президенти Габриэле Гравина ҳамда у бошчилигидаги клубларни лицензиялаш бўйича қўмита трансферлар сиёсатига ушбу ўзгаришни киритди. Энди даҳшатли трансфер амалиётларининг олдини олиш ва тенг ўйин сифатини таъминлаш мақсадида қоидаларга бир қатор ўзгартиришлар киритиш давом этади, токи адолатли сиёсат юзага келмас экан...
Юсуфбек Сайдалиев таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
