UEFA transferlar bozoriga ayrim o‘zgarishlar kiritdi. Bunga Todd Boeli boshchiligidagi "Chelsi"ning o‘tgan mavsum amalga oshirgan ayrim "o‘yinlar"i sabab bo‘ldi. Endi qolganlarning cho‘ntagidan baland pul sarfiga imkon berilmaydi.
Bundan buyog‘iga klublar transfer to‘lovlarini futbolchining ko‘pi bilan 5 yillik shartnoma muddati uchun to‘lay oladi. Bu muddatdan keyingi yillar vaqtincha joriy hisobga kiritilmay turiladi. Ushbu to‘xtamga kelinishiga asosiy sabab barcha klublar uchun teng imkoniyat yaratish hisoblanadi. Buning ustiga futbol tez sur’atlar bilan o‘sayotgan ekan, bir futbolchiga uzoq yillar "xo‘jayinlik qilish" mantiqiy jihatdan to‘g‘ri emas. UEFA chorshanba kuni qoidalarni "barcha klublarga teng munosabatda bo‘lishni ta’minlash va moliyaviy barqarorlikni yaxshilash" uchun o‘zgartirdi.
O‘zgartishlar 1-iyuldan kuchga kiradi, ammo amaldagi tartiblar va xaridlar o‘z kuchida qoladi. Bu shuni anglatadiki, "Chelsi" endi uzoq vaqt davomida o‘zining boy rahbari tufayli yangi futbolchilarga og‘izlariga siqqan pulni bera olmaydi.
Yanvar oyida "Chelsi" pullarni o‘zi xohlaganicha sochdi, o‘yinchilar uchun xarajatlarni taqsimlash jarayonida mega shartnomalar vujudga keldi. Birgina Mudrik uchun 62 million funt sterling ketgan bo‘lsa, Enso Fernandesni qo‘lga kiritish uchun 108 millionning bahridan kechildi. Biroq bu xaridlar yangi hisob-kitoblarga ko‘ra tuzilgan qoidalarni istisno qiladi. Biroq, "Chelsi" yangi qoidalarga zid kelgan yagona jamoa emas. "Liverpul" ham Darvin Nunyes (78 mln) va Kodi Gakpo (66 mln) bilan tuzilgan shartnomalar tufayli jabr chekishi mumkin edi – ularning ham bitimi besh yildan uzoq muddatni tashkil etadi. Fransiyaning L'Equipe gazetasi bergan xabarga ko‘ra, UEFA shunday bayonot qoldirgan: "Evropa klublari tomonidan amalga oshirilgan so‘nggi bitimlar yangi moliyaviy barqarorlikni vujudga keltirish uchun yangi qoidalarni tuzishga sabab bo‘ldi.
Bunga javoban, UEFA vise-prezidenti Gabriele Gravina hamda u boshchiligidagi klublarni lisenziyalash bo‘yicha qo‘mita transferlar siyosatiga ushbu o‘zgarishni kiritdi. Endi dahshatli transfer amaliyotlarining oldini olish va teng o‘yin sifatini ta’minlash maqsadida qoidalarga bir qator o‘zgartirishlar kiritish davom etadi, toki adolatli siyosat yuzaga kelmas ekan...
Yusufbek Saydaliyev tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
