Фабрицио Романо футбол трансферлари қироли сифатида танилган. Айнан у биринчи ёки биринчилардан бўлиб энг йирик битимлар ҳақида хабар беради.
Ҳозир италиялик атиги 30 ёшда ва у ўзининг ажойиб фаолиятини 18 ёшида бошлаган. Йигит ўзини кўрсатиш ва бу соҳага кириш учун имконият қидираётган эди.
Фабрицио ўзининг ватани Италияда илк қадамларини Tuttomercatoweb порталида қўйди. У бу сайтда ярим йил давомида оддий футбол материалларини ёзган, кейин эса биргина телефон қўнғироғи ҳамма нарсани ўзгартирган. "Барселона" билан яқин алоқада бўлган итальян агенти ички маълумотларга эгалигини ва уларни Романо орқали оммага қилишни исташини айтган.
Гап икки футболчи - Жерар Деулофеу ва Мауро Икарди ҳақида кетаётган эди, улар футбол таълимини Ла Масияда олган. Романо ушбу материални ёзган ва кейинчалик Икардининг "Сампдория"дан "Интер"га ўтиши ҳақида эксклюзив маълумот олган.
Романо SportBible нашрига берган интервьюсида шундай деди: "Бир агент менга: "Менда икки футболчи Деулофеу ва Икарди ҳақида ички маълумотлар бор ва сиз ёш журналистсиз. Уларни ёзиб чиқишингиз мумкин", деди. Мен у билан гаплаша бошладим ва бу менга катта ёрдам берди, чунки Икарди Италияда "Сампдория"га, кейин эса "Интер"га ўтганида, мен бу ҳақда аллақачон билардим. Икарди ҳақидаги янгилик фаолиятимдаги биринчи катта хабар бўлди.
"Ноябрь ойида агент менга яна қўнғироқ қилиб, "Интер" билан келишувга эришганликларини ва "Сампдория" билан трансфер тез орада ёпилишини айтди. У шундай деди: "Шартнома деярли якунига етганини айтиш мумкин, футболчи январда эмас, кейинги ёзда жамоага келиб қўшилади".
“Ҳаммаси шундай бошланди ва менга журналист роли дарҳол ёқди. Трансфер бозори ўрмон. Мен ҳар доим айтаман, сиз ҳар куни кутилмаган ҳодисалар кутасиз ва мен бу туйғуни яхши кўраман. Менимча, бу худди Чемпионлар лигаси ўйинида футбол ўйнашга ўхшайди. Агар шундай хабарни етказсангиз, худди Чемпионлар лигаси финалида гол ургандек бўласиз".
Кейинчалик Фабрицио Романо Sky Sport Italia компаниясига ишга ўтди ва бу унга алоқалар тармоғини янги даражага кенгайтиришга ёрдам берди. Трансфер ойнаси вақтида, италияликнинг сўзларига кўра, у кунига атиги беш соат ухлайди: эрталабки 5 дан 10 гача.
Романо ҳозирда трансфер янгиликларининг асосий провайдери ҳисобланади. "Here We Go" подкасти асосчиси Instagram ва Twitter'да 34 миллиондан ортиқ, YouTube'да эса 1,7 миллион обуначиси бор. 2022 йилда Globe Soccer Awards маросимида италиялик инсайдер "Энг яхши футбол журналисти" деб топилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
