Fabrisio Romano futbol transferlari qiroli sifatida tanilgan. Aynan u birinchi yoki birinchilardan bo‘lib eng yirik bitimlar haqida xabar beradi.
Hozir italiyalik atigi 30 yoshda va u o‘zining ajoyib faoliyatini 18 yoshida boshlagan. Yigit o‘zini ko‘rsatish va bu sohaga kirish uchun imkoniyat qidirayotgan edi.
Fabrisio o‘zining vatani Italiyada ilk qadamlarini Tuttomercatoweb portalida qo‘ydi. U bu saytda yarim yil davomida oddiy futbol materiallarini yozgan, keyin esa birgina telefon qo‘ng‘irog‘i hamma narsani o‘zgartirgan. "Barselona" bilan yaqin aloqada bo‘lgan italyan agenti ichki ma’lumotlarga egaligini va ularni Romano orqali ommaga qilishni istashini aytgan.
Gap ikki futbolchi - Jerar Deulofeu va Mauro Ikardi haqida ketayotgan edi, ular futbol ta’limini La Masiyada olgan. Romano ushbu materialni yozgan va keyinchalik Ikardining "Sampdoriya"dan "Inter"ga o‘tishi haqida eksklyuziv ma’lumot olgan.
Romano SportBible nashriga bergan intervyusida shunday dedi: "Bir agent menga: "Menda ikki futbolchi Deulofeu va Ikardi haqida ichki ma’lumotlar bor va siz yosh jurnalistsiz. Ularni yozib chiqishingiz mumkin", dedi. Men u bilan gaplasha boshladim va bu menga katta yordam berdi, chunki Ikardi Italiyada "Sampdoriya"ga, keyin esa "Inter"ga o‘tganida, men bu haqda allaqachon bilardim. Ikardi haqidagi yangilik faoliyatimdagi birinchi katta xabar bo‘ldi.
"Noyabr oyida agent menga yana qo‘ng‘iroq qilib, "Inter" bilan kelishuvga erishganliklarini va "Sampdoriya" bilan transfer tez orada yopilishini aytdi. U shunday dedi: "Shartnoma deyarli yakuniga yetganini aytish mumkin, futbolchi yanvarda emas, keyingi yozda jamoaga kelib qo‘shiladi".
“Hammasi shunday boshlandi va menga jurnalist roli darhol yoqdi. Transfer bozori o‘rmon. Men har doim aytaman, siz har kuni kutilmagan hodisalar kutasiz va men bu tuyg‘uni yaxshi ko‘raman. Menimcha, bu xuddi Chempionlar ligasi o‘yinida futbol o‘ynashga o‘xshaydi. Agar shunday xabarni yetkazsangiz, xuddi Chempionlar ligasi finalida gol urgandek bo‘lasiz".
Keyinchalik Fabrisio Romano Sky Sport Italia kompaniyasiga ishga o‘tdi va bu unga aloqalar tarmog‘ini yangi darajaga kengaytirishga yordam berdi. Transfer oynasi vaqtida, italiyalikning so‘zlariga ko‘ra, u kuniga atigi besh soat uxlaydi: ertalabki 5 dan 10 gacha.
Romano hozirda transfer yangiliklarining asosiy provayderi hisoblanadi. "Here We Go" podkasti asoschisi Instagram va Twitter'da 34 milliondan ortiq, YouTube'da esa 1,7 million obunachisi bor. 2022 yilda Globe Soccer Awards marosimida italiyalik insayder "Eng yaxshi futbol jurnalisti" deb topildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
