Бугун бўлиб ўтган матбуот анжуманида Ўзбекистон ёшлар терма жамоаси бош мураббийи Аҳмаджон Мусаев мезбон давлатга меҳмондўстлик учун миннатдорчилик билдирди ва ўйинлар қизиқарли бўлишини таъкидлади.
2 ноябрь куни Рас ал-Хайма шаҳридаги «Cove Rotana» меҳмонхонасида иштирокчи давлатлар бош мураббийлар иштирокида матбуот анжумани бўлиб ўтди. "С" гуруҳи вакиллари орасида биринчи бўлиб Аҳмаджон Мусаев ўз фикрлари билан ўртоқлашди.
"Ушбу мусобақада иштирок этаётганимиздан хурсандман. Фурсатдан фойдаланиб, БАА футбол ассоциацияси ва барча ташкилотчилар ўз миннатдорчилигимни билдираман. Ишончим комил, ташкилотчилик борасида ҳеч кимда ҳеч қандай эътироз туғилмайди", дейди ўзбекистонлик мутахассис.
"Ушбу мусобақага қитъанинг энг кучли жамоалари йиғилишган. Шунинг учун ҳар бир баҳс катта аҳамиятга эга бўлади. Бизни қизиқарли ва мухлисбоп ўйинлар кутиб турибди. Биз муносиб иштирок этишга ва ўз мақсадимизга эришишга ҳаракат қиламиз", дейди Мусаев.
Терма жамоамиз гуруҳдаги иккинчи учрашувни Иорданияга қарши ўтказади. Ушбу юрт журналистлари Мусаевдан Иордания ҳақидаги фикрлари билан қизиқишди.
"Иордания ҳақида бизда маълумотлар кўп бўлишига қарамай, биз бу жамоа ҳақида тасаввурга эгамиз. Мен ҳамиша Иордания футболига ҳурмат билан қараганман ва бу мамлакат ўсмирлар ва ёшлар терма жамоалари ўз рақибларига етарлича муаммо туғдиришган", дейди бош мураббий.
Матбуот анжумани якунида Ўзбекистон терма жамоаси қитъа чемпионатининг финал босқичига кўрилган тайёргарлиги ҳақида маълумот берди.
"Биз бир йилда 8та халқаро ўйин ўтказдик. Унинг ярми Эронга қарши кечди. Вьетнамдаги халқаро мусобақада Австралия, Эрон ва Вьетнамга қарши ўйинларда иштирок этдик. Сўнгги 2та баҳсни эса Саудия Арабистони терма жамоасига қарши ўтказдик. Умуман олганда, мусобақага тайёрмиз", дея қўшимча қилди Аҳмаджон Мусаев.
"С" гуруҳи жамоалари бош мураббийларининг фикрлари қуйидагича бўлди:
Жамол Али Обид (Иордания): "Жамоамиз мусобақага етарлича тайёргарлик кўра олди. Сўнгги йиғинни биз Туркияда ўтказдик. Иордания мусобақага тайёр, деб айта оламан".
Май Дук Чон (Веьтнам): "Гуруҳимиз — қийин гуруҳлардан бири. Бизни КХДР, Ўзбекистон ва Иордания каби кучли жамоаларга қарши баҳслар кутиб турибди. Шунга қарамай, биз кейинги босқичга чиқиш учун қўлимиздан келган барча ишни аамлга оширамиз. Турнирда муносиб иштирок этиш иштиёқи бизда юқори".
Ан Йе Гун (КХДР): "Биз БААга мусобақанинг амалдаги чемпиони сифатида келдик. Чемпионликка эришишдан кўра, уни сақлаб қолиш қийин эканини яхши биласиз. Шунга қарамай, олдимизга энг улкан вазифаларни қўйганмиз. Ишга тўғри ёндашсак, биз албатта ўз мақсадимизга эришамиз".
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
