Хўш сизнингча эндиликда АПЛнинг энгн қиммат клуби қайси? Сиз учун спойлер бўлсинки, "Тоттенхем", "Ньюкасл" каби жамоалар кучли бешликка ҳам киритилмаган.
"Манчестер Юнайтед" — 833.8 миллион евро
Харидлар орасида Мейсон Моунтга кўпроқ маблағ сарфлаган - 64.2 миллион евро. Шу билан бирга "Манчестер Юнайтед" марказий ҳужумчи сотиб олиши керак. Шунда Рэшфорд ўзининг севимли вингер позициясига қайтиши мумкин бўлади.
Жамоадаги асосий муаммо шундаки, Глейзерлар клубга бошқа пул сарфламоқчи эмас. Шунингдек, "қизил иблислар" Расмус Хойлунд трансферига жиддий қизиқиш билдирмоқда.
"Ливерпуль" — 846.8 миллион евро
Юрген Клопп жамоасининг ўтган мавсумдаги асосий муаммоларидан бири бу ярим ҳимоя чизиғи бўлган. Мерсисацдликлар анча вақтдан бери ижрочига муҳтож. Ушбу позицияага қишда Беллингемни олиб келишмоқчи эди, аммо у "Реал Мадрид"га ўтди.
"Ливерпуль" бу муаммони бартараф этиш учун ёзги трансферлар ойнасида 50 миллион еврога "Лейпциг"дан Доминик Собослай ҳамда "Брайтон"дан 35 миллион еврога Алексис Макаллистерни харид қилди. "Қизиллар" яна Филипс, Гравенберх ва Амрабатни нишонга олган.
Шунингдек, жамоани Кейта, Фирмино, Мильнер ва Окслейд-Чемберлейн каби футболчилар жамоани тарк этган бўлса, Хендерсон ва Фабиньо ҳам клубини ўзгартириш арафасида. Икки футболчига Саудия клублари қизиқиш билдирган.
"Челси" — 868.5 миллион евро
"Аристократлар" қишда трансқерларга ярим миллиардга яқин маблағ ажратди. Ёзда эса, бу ҳаражатни чиқариб олиш учун жамоадан бир нечта футболчига чиқиш эшиклари очилди.
Бу борада Саудияликлар Лондон клубига катта ёрдам берди. Менди, Кулибали ва Канте араб жамоаларига сотилди. Ҳаким Зиеш ҳам катта эҳтимол Яқин Шарққа йўл олади. Улардан ташқари, Хаверц, Аспиликуета, Маунт, Ковачич, Лофтус-Чик, Фофана, Бакайоко, Филипс ва Обамеянг кабилар жамоани тарк этишди.
Кристофер Нкунку, Никлас Жексон ва Анжело каби футболчилар учун 123 миллион евро сарфланди.
"Манчестер Сити" — 1.19 миллиард евро
"Шаҳарликлар" ёзги трансферлар ойнасида пешқадамликни бой берди. Эдерсон 40 миллион, марказий ҳимоянинг умумий қиймати 225 миллион, Холанд ва Фоденнинг нархлари 100 миллиондан ошади.
Бироқ, "Манчестер Сити" таркибида ҳам тозалаш ишлари олиб борилди. Маҳрез ва Бернардуга араблар, Уокерга "Бавария" қизиқмоқда. Гюндоган "Барселона" билан шартнома имзолади. Ҳозирча, Матео Ковачич сотиб олинди.
Таркибдаги ўзгаришлардан сўнг ҳам "шаҳарликлар" янги мавсумда ҳам АПЛ ва Чемпионлар лигаси совринлари учун асосий фаворит бўлиб қолмоқда. Гвардиола шогирдларига жароҳатлар ва чарчоқ халақит бериши мумкин. Қайд этилган требл мухлсиларга бир олам қувонч олиб келди.
"Арсенал" — 1.21 миллиард евро
Якунига етган мавсумда Лондон клуби чемпионлик учун жиддий кураш олиб борди. "Канонирлар" янги мавсумда ҳам даражасини сақлаб қолиш учун етакчиларини имкон қадар олиб қолди.
"Арсенал" ёзги трансферлар ойнасида Деклан Райсни 100+5 фунтга, Кай Хаверцни 75 миллион фунтга, Юрриен Тимберни 40 миллион фунтга сотиб олди. Ҳар қайси позицияда тенг кучга эга футболчилар бор. Габриель ва Салибага марказий ҳимояда рақобат уюштириб берадиган футболчилар олиб келинди. Жоржиньо, Парти ва Райс ҳам асосий таркиб учун кураш олиб боради. Хаверц эса, Жезус билан бирга ҳужумда ўйнаш имкониятига эга. Ёки ҳумумкор ярим ҳимоячи вазифасини бажариши мумкин.
Ёзги трансферлар ойнаси ҳали ёпилмади ва бу рейтинг ўзгариш эҳтимоли катта. Буёғини вақт кўрсатади. Кўрамиз, кузатамиз...
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
