“Хоразм” — “Андижон” (0:3) учрашувидан кейинги матбуот анжуманининг иккинчи қисмида мезбонлар бош мураббийи Сергей Токов иштирок этди.
— Нима ҳам дердим? Балки бироз чарчагандирмиз. Ўйинчилар доимгидек ҳаракат қилишяпти. Дарвозамизга 30 метрдан гол ураётган бу учинчи жамоа. Афсуски, бизда бундай голлар учрамаяпти. Тажриба барибир ўз сўзини айтади. Аламли голларни ўтказиб юбордик. Муозанатни йўқотишимиз ҳам чарчоқ билан боғлиқ. Иккинчи таймда вазиятни ўзгартириш учун қанча ҳаракат қилмайлик, барибир натижа ўхшамади. Кўриниб турибдики, нимадир етишмаяпти. Ўз устимизда ишлаймиз.
— Ўтган сафарги интервьюингизда ўзбек футболи ривожига ҳакамлар халақит қиляпти деб айтгандингиз...
— Ундай маънода гапирмагандим. Ҳакамлар охиригача ўйнашга имконият бериши керак, деган мазмунда гапиргандим. Ортиқча гапирмоқчи эмасман. Ўз жамоам ҳақида гапираман. Муаммоларимиз кўриниб қолди. Фикр билдириш қийин, нимадир бўлди, нимадир бўлмади. Ҳиссиётга берилишни хоҳламайман. Кимнидир айбдор қилишдан ҳеч қандай мантиқ йўқ.
— FIFA кунларида жамоанинг кейинги режалари қандай?
— Аввало, футболчиларимизни тиклашимиз керак. Бир ойда 6 та ўйин ўтказдик. Ўйинчилар албатта тикланишлари керак. Асосий ҳимоячимиз биринчи таймдан сўнг ўзини алмаштиришни сўради, ўзини ёмон ҳис қилаётганди. Жароҳати йўқ, аммо бундай кетма-кет учрашувларда ўйнаш жуда қийин. Кубок ўйинлари ҳам бор. Ким яхшироқ ҳолатда бўлса, ўшаларни ўйнатамиз. Кубокда яхши натижалар кўрсатишга ҳаракат қиламиз. Гуруҳдан чиқишга интиламиз. Ёшларни ҳам сафимизга қўшиб келяпмиз ва уларга ҳам имконият берамиз. Ўйлайманки, ечиб бўлмайдиган муаммо йўқ.
— Ўтган ўйинларни қандай баҳолайсиз?
— Юқори натижаларни кўрсатишимизни хоҳлайман. Селекция ишларини олиб борамиз ва чизиқларни янада кучайтириш устида ишлаймиз. 3 нафар футболчимизда жароҳат бор. Шунингдек, бизда иқтидорли ёшлар ҳам бор, уларга тажриба керак.
— Жамоани кучайтириш учун қандай ишлар олиб борилади?
— Бу борада раҳбарият билан гаплашамиз. 3-4 та позицияни кучайтириш бўйича аниқ режаларимиз бор. Ёшлар орасида бу чизиқларни тўлиқ ёпиб бера оладиганлар ҳали етарли эмас. Рақобат учун яна бир қатор ўйинчилар керак.
Токов сўнггида рақиб ҳақида ҳам фикр билдирди:
— Бугунги рақибимизни ҳам тўғри тушуниш керак — улар кучли эди. Таркибида Черaн, Боаке каби кучли футболчилар бор. Уларнинг маоши бизнинг барча легионерларимизникидан ҳам юқори бўлиши мумкин. Биз характер кўрсатишга ҳаракат қилдик, аммо маҳорат етишмади. Ишлашда давом этамиз. Мағлубиятсиз футбол бўлмайди.
Шунингдек, мураббий чемпионат ҳақида ҳам тўхталди:
— Турнир жадвали жуда зич. Бир ғалаба жамоани юқорига олиб чиқади, мағлубият эса пастга туширади. Ҳозирча аутсайдер битта — “Машъал”. Қолган жамоалар олдинга интилаяпти. Суперлигада кураш тобора қизиб бормоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
