АПЛ мухлислари турнирнинг энг яхши мураббийига овоз беришди. Эълон қилинган натижалардан ҳайрон қолишингиз турган гап. "Sky" нашри мухлислар орасида сўровнома ўтказган. Уларга овоз беришда клубларнинг мавқейи, даражаси, бюджет ҳажми ва юлдузли таркибига қарамаслик сўралди. Натижалар шуни кўрсатдики, "Манчестер Сити" устози Пеп Гвардиола ҳақли равишда энг яхши мутахассис. Ахир у жамоасини ўтган мавсум якунида треблга етаклаган эди-да!
"Вулверхэмптон" бош мураббийи Юлен Лопетеги умумий овоз ҳажмининг 0.5 фоизини олиб, 20 ўринда турибди. "Ньюкасл"нинг ЕЧЛга қайтиши эса Эдди Хауни 3-ўринга кўтарган. Бироқ, у жадвалда Клоппдан кейин турибди. Гарчанд "Ливерпуль" ўтган мавсумни омадсиз якунлаган бўлса ҳам, немис мутахассисига 13.3 фоиз овоз теккан.
Жадвалда АПЛ дебютанти бўлган "Лутон Таун" клуби менежери Роб Эдвардс саккизинчи поғонада турибди. Мухлислар уни ишончли вакил деб билади. Элитада бирорта ўйинда кўриниш бермаганига қарамай, Эдвардс мухлислар кӯзида Эрик тен Хаг ва Маурисио Почеттинодан яхшироқ мақомда. Бу бироз аламли бўлса керак. Гарчанд Тен Хаг "МЮ"дек муаммолар гирдобидаги жамоани даъволаётган бӯлса ҳам, 13-ўринга қўйилди. Почетиннодаям шундай вазият. Бироқ, у тен Хагдан фарқли равишда, ишни энди бошлайди. "Тоттенхэм" мухлидларининг 14 фоизи аргентиналик мутахассисни лигада энг яхшиси деб билар экан. Аммо "Тоттенхжм"нинг ўзида вазият оғир. "Шпорлар"нинг янги устози Ангелос Постекоглу 18-ўриндан жой олган. Фақатгина "Борнмут" ва "Вулвз" устозлари ундан пастда эътироф этилган.
Постекоглу умумий овозларнинг 1 фоизинигина олди. Унинг олдида катта вазифа турибди: австралиялик мутахассис иши билан бундай паст назарга лойиқ эмаслигини исботлаши керак бўлади.
Микель Артета "Арсенал"ни 2016 йилдан бери илк бор иккинчи ўринга олиб чиққан эди. Шунга қарамай, мухлислар уни Томас Франк ва Рой Хожсондан кўра пастроқ кўрар экан. Пеп Гвардиола мактабини ўтаган яна бир афсонавий футболчи Венсен Компанидир. Ҳозир у ҳам АПЛ мураббийлари қаторида бор. Компанига 3.4 фоиз овоз берилган. У жадвалнинг 10-ўринида турибди. Бельгиялик ўтган мавсумда "Бёрнли"ни Чемпионшип ғолибига айлантирган эди. Унинг жамоаси 101 очко билан АПЛ йўлланмасини нақд қилган. Шундай экан, унга мухлисларнинг ҳурмати баланд.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).