Янги мавсумдан Россия элитасига қайтган Қозоннинг «Рубин» клуби Премьер-лиганинг 1-турида Москвада, «Локомотив» меҳмони бўлганди.
Жанговар дуранг (2:2) билан якунланган баҳсда тажрибали ҳимоячимиз Рустам Ашурматов 66-дақиқада - қозонликлар 2:1 ҳисобида олдинда бўлган пайтда янги куч сифатида майдонга туширилади. Ва афсуски, айнан Рустам пойлаши керак бўлган рақибнинг франциялик ҳужумчиси Вилсон Изадор ўйинда мувозанатни тиклади. 2-турда «Ак Барс Арена»даги «Оренбург» билан баҳсда ҳам дуранг натижа қайд этилди - 1:1. Унда Рустам майдонга тушмади. Ана шу ўйиндан олдин терма жамоамиз ҳимоячиси «Матч ТВ» мухбири саволларига жавоб берди ва унда жамоа олдида турган вазифалар ҳақида гапириб берди. Маълумот учун, «Рубин» РПЛ 3-турида ўз майдонида Москванинг «Спартак» жамоасини қабул қилади. Учрашув 5 август куни Тошкент вақти билан 19:30да бошланади.
- Россия Премьер-лигасида «Рубин» олдига қандай вазифалар қўйилган?
- Вазифалар максимал. Ҳар бир учрашувда ғалаба учун ўйнашимиз шарт! Чемпионат охирида вазият қандай бўлишини кўрамиз. Жамоа раҳбарияти ва футболчиларда чемпион бўлиш орзуси бор. Бунга эришиш учун бор кучимиз билан меҳнат қиламиз.
- Россия чемпионати бош совринини Қозонга қайтишини қанча кутамиз?
- Узоқ эмас, деб умид қиламан.
- Биринчи лигадаги ғалаба учун олтин медалларни топшириш маросими қандай ўтди?
- Жуда яхши. Ўйиндан кейин банкет уюштирилди ва ҳаммаси юқори даражада ўтди.
- Маросим Ўзбекистондагидан яхши ўтдими?
- Бу ерда ҳам яхши бўлди.
- Россияда кейинги йилларда «Зенит»ни 1-турдан кейиноқ чемпионлик билан қутлаш анъанага айланиб қолди. Бу гал ҳам шундай бўладими?
- Табриклашга ҳали жуда эрта. Жамоани тарк этган Малкомсиз уларга анча қийин бўлади. Чунки бу футболчи жамоа етакчиси эди. Шундай экан, бошқа жамоалар «Зенит»нинг яна чемпион бўлишига халақит қилишга ҳаракат қилади.
- Сиз Россияга юлдуз бўлиш учун келдингизми? Ўз кучингизни Европада синаб кўриш истаги борми?
- Айни пайтда менинг «Рубин» билан шартномам бор. Ҳозир фақат жамоа ҳақида ўйлаяпман. Асосийси, бошланғич таркибда ўйнаш, қолганини эса кўрамиз. Албатта, ҳамма футболчи каби менда ҳам топ-чемпионатларда ўйнаш орзуси бор.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
