Yangi mavsumdan Rossiya elitasiga qaytgan Qozonning «Rubin» klubi Premyer-liganing 1-turida Moskvada, «Lokomotiv» mehmoni bo‘lgandi.
Jangovar durang (2:2) bilan yakunlangan bahsda tajribali himoyachimiz Rustam Ashurmatov 66-daqiqada - qozonliklar 2:1 hisobida oldinda bo‘lgan paytda yangi kuch sifatida maydonga tushiriladi. Va afsuski, aynan Rustam poylashi kerak bo‘lgan raqibning fransiyalik hujumchisi Vilson Izador o‘yinda muvozanatni tikladi. 2-turda «Ak Bars Arena»dagi «Orenburg» bilan bahsda ham durang natija qayd etildi - 1:1. Unda Rustam maydonga tushmadi. Ana shu o‘yindan oldin terma jamoamiz himoyachisi «Match TV» muxbiri savollariga javob berdi va unda jamoa oldida turgan vazifalar haqida gapirib berdi. Ma’lumot uchun, «Rubin» RPL 3-turida o‘z maydonida Moskvaning «Spartak» jamoasini qabul qiladi. Uchrashuv 5 avgust kuni Toshkent vaqti bilan 19:30da boshlanadi.
- Rossiya Premyer-ligasida «Rubin» oldiga qanday vazifalar qo‘yilgan?
- Vazifalar maksimal. Har bir uchrashuvda g‘alaba uchun o‘ynashimiz shart! Chempionat oxirida vaziyat qanday bo‘lishini ko‘ramiz. Jamoa rahbariyati va futbolchilarda chempion bo‘lish orzusi bor. Bunga erishish uchun bor kuchimiz bilan mehnat qilamiz.
- Rossiya chempionati bosh sovrinini Qozonga qaytishini qancha kutamiz?
- Uzoq emas, deb umid qilaman.
- Birinchi ligadagi g‘alaba uchun oltin medallarni topshirish marosimi qanday o‘tdi?
- Juda yaxshi. O‘yindan keyin banket uyushtirildi va hammasi yuqori darajada o‘tdi.
- Marosim O‘zbekistondagidan yaxshi o‘tdimi?
- Bu yerda ham yaxshi bo‘ldi.
- Rossiyada keyingi yillarda «Zenit»ni 1-turdan keyinoq chempionlik bilan qutlash an’anaga aylanib qoldi. Bu gal ham shunday bo‘ladimi?
- Tabriklashga hali juda erta. Jamoani tark etgan Malkomsiz ularga ancha qiyin bo‘ladi. Chunki bu futbolchi jamoa yetakchisi edi. Shunday ekan, boshqa jamoalar «Zenit»ning yana chempion bo‘lishiga xalaqit qilishga harakat qiladi.
- Siz Rossiyaga yulduz bo‘lish uchun keldingizmi? O‘z kuchingizni Yevropada sinab ko‘rish istagi bormi?
- Ayni paytda mening «Rubin» bilan shartnomam bor. Hozir faqat jamoa haqida o‘ylayapman. Asosiysi, boshlang‘ich tarkibda o‘ynash, qolganini esa ko‘ramiz. Albatta, hamma futbolchi kabi menda ham top-chempionatlarda o‘ynash orzusi bor.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
