АПЛ клублари футболчиларга тўланадиган маош борасида Европада етакчилик қилади. Аммо "ПСЖ" ва "Реал" бу борада энг олдинги ўринларда турибди. Хусусан, Париж клубнинг йиллик маош ҳаражатлари анча камайган. Айниқса, Неймар кетганидан кейин, бу кўрсаткичлар янада пастлайди. Шунга қарамай, "ПСЖ" ҳали ҳам кучли бешлик чемпионатларидаги ҳар қандай клубдан 100 миллион фунт кўпроқ маблағни айнан футболчилар маошига сарфламоқда. Бундай катта фарқ Килиан Мбаппенинг шартномаси сабабли содир бўлмоқда. Ҳужумчига ҳозирда бир йилда 72 миллион фунт тўланади. Ёз давомида Мбаппе билан юзга келган вазият ҳамманинг эътиборини тортган эди. У "Реал"га ўтишни исташига қарамай, Парижда қолишга яқин турибди. Негаки, унинг маоши Мадрид клубига ҳам оғирлик қилмоқда. Таққослаш учун Мбаппенинг ўзи бир йилда Франция элитасидаги 20 та клубнинг барча футболчиларидан кўра кўпроқ пул ишлаб топади.
Йиллик маошларга келганда қуйидагича ҳолатни кузатиш мумкин. "МЮ" бу борада учинчи ўринни эгаллайди. Ундан кейин эса Европада тенгсизга айланган "Манчестер Сити" турибди. Шунингдек, "Барселона" ва "Бавария" каби гигантлар ҳам улардан жуда узоқда эмас. АПЛнинг саккизта клуби Европанинг топ-14 рўйхатига киради. Масалан, инглизларнинг "Астон Вилла" ва "Ньюкасл" каби ўртамиёна жамоалари маош борасида "Милан" ва "Интер"дан юқорида туради. Гарчанд "Эвертон" икки мавсум давомида АПЛдан тушиб қолишга яқин келганига қарамасдан, йилига 100 миллион еврони маошларга сарфлайди ва бу "Наполи" ва "Рома"никидан анча кўпроқдир.
Қуйида сиз Европанинг энг катта пул сарфлайдиган йигирмата клубини билиб оласиз. Маълумотлар "Capology" маълумот марказидан олинган бўлиб, тахминий ҳисоб-китобларга асосланган. Шунингдек, олди-сотдилар давом этаётгани сабабли қуйидаги рўйхатдаги жамоалар ўрни келаётган ҳафталарда алмашиши мумкин. Демак, тўлиқ рўйхат қуйидагича (қийматлар еврода кўрсатилган):
1. "ПСЖ" –366 060 000
2. "Реал" – 266 820 000
3. "МЮ" – 248 333 772
4. "Манчестер Сити" – 245 691 531
5. "Барселона" – 244 910 000
6. "Бавария" – 236 930 000
7. "Арсенал" – 208 085 373
8. "Челси" – 186 040 387
9. "Ливерпуль" – 167 674 590
10. "Атлетико" – 155 090 000
11. "Ювентус" – 154 210 000
12. "Тоттенхэм" – 140 412 390
13. "Астон Вилла" – 121 232 346
14. "Ньюкасл" – 118 095 988
15. "Боруссия Дортмунд" – 117 230 000
16. "Интер" – 110 780 000
17. "Эвертон" – 97 607 584
18. "Милан" – 94 900 000
19. "Рома" – 90 690 000
20. "Лейпциг" – 87 180 000.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
