Эронлик собиқ футболчи Воҳид Ҳошимиён ҳозирги кунда Германияда мураббийлик курсларида ўқимоқда. У ISNA ахборот агентлиги сайтига берган интервьюсида Эрон миллий терма жамоасининг ЖЧ-2014 саралаш босқичидаги имкониятлари ҳақида ҳам тўхталиб ўтди.
"Биз Жанубий Кореяни Теҳронда мағлуб этдик. Агар Ўзбекистон устидан ҳам ғалаба қозона олганимизда Жаҳон чемпионати йўлланмасини амалда ҳал қилардик. Ўзбекистондаги ўйинда эса мезбонларнинг 5 нафар футболчиси дисквалификация туфайли майдонга туша олмаганди. Жавоб баҳсини қийин ўтишини билардим, афсуским, хавотирим ўринли бўлиб чиқди. Олдинда яна 3та ўйин бор. Нима бўлиши ҳам номаълум. Агар бу ўйинларда яхши натижага эришиб, Ўзбекистон очко йўқотса, биз Бразилияда ўтадиган жаҳон чемпионатига бориш учун яхши имкониятга эга бўламиз", дейди Ҳошимиён.
Ҳозирги кунда Карлос Кейруш борасида эронлик мухлислар ва мутахассислар томонидан турли фикрлар янграмоқда.
"Кейруш футболи оламида машҳур мураббийлардан бири ҳисобланади ва у буюк жамоаларни бошқарган. Унинг фаолияти давомида яхши натижалар ҳам, ёмон натижалар ҳам бўлган. Терма жамоа мураббийлар ихтиёрида жамоани тўплаш ва ўйинга тайёрлаш учун 10 кун вақт бўлади. Масалан, Германия терма жамоаси бош мураббийи Йоахим Лёв ҳам терма жамоани 7 кун ичида тайёрлайди. Кейрушда ҳам шундай имконият бор. Нега энди айбни Кейрушнинг зиммасига юкламаслик керак? Унинг ихтиёрида терма жамоани яхши тайёрлаш учун вақт етарли бўлди. Бундан ташқари, Эронда футбол тизимини ўзгартириш лозим. Шу кунларда Эрон футбол федерацияси президенти Али Каффашиён шаънига кўп танқидлар бўлди. Лекин мен савол бермоқчиман: Корея ва Япония қандай қилиб Осиёнинг етакчи жамоаларига айланишди? Улар ўзларининг ривожланиш дастурини бундан 20 йил олдин қабул қилишганди. Энди эса улар футболи ривожланган мамлакатлар қаторига киришди. Кўпгина Эрон клублари асосан натижа ҳақида бош қотиришади. Улар болалар футболига эътибор қаратиш, футбол академияларини очиш ҳақида ўйлашмайди. Назаримда, Эрон футболга бўлган муносабатини ўзгартириши лозим", дейди Эрон терма жамоаси собиқ футболчиси.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бунёдкор
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
