2023/24 йилги мавсум сўнгги 20 йил ичида илк бор Месси ва Роналдусиз ўтаётган давр ҳисобланади. Бу икки ном, қарийб икки декада давомида Европанинг топ лигаларида тўпурар бўлиб келди. Улар биргаликда деярли лига баҳсларида 1000 та гол урди. Аммо ҳозир биз янги давр бўсағасидамиз. Бу даврда эса мутлақо янги номлар кашф этилади. Қуйида ҳозирга қадар Европада голлар борасида кимлар етакчилик қилаётганини билиб оласиз.
10. Душан Влахович – 4 та
"Ювентус" жорий йилда ҳеч қандай еврокубокларда иштирок этмайди. Шу сабабли бу жамоа фақатгина Италия чемпионлиги учун ҳаракат қилади. 4 та турдан кейин туринликлар 10 очко жамғарди. Бунда жамоага Влахович ёрдам бермоқда. Ҳозирда у 4 та голга муаллифлик қилмоқда.
9. Кевин Беренс – 4 та
"Унион Берлин" янги мавсумда ЕЧЛга адашиб чиқиб қолмаганини исбот этмоқда. Бу клуб сўнгги иккита турда 4-1 ҳисобида рақибларини таслим этди. Бунда, жамоа ҳужумчиси Беренснинг хизматлари катта, албатта. У "Майнц" дарвозасига хет-трик йўллаганди.
8. Оливье Жиру – 4 та
Фахрий ҳужумчи янги мавсумни ҳам юқори даражада бошлади. Айни дамда унинг ҳисобида 4 та гол ва 2 та ассист бор. Шунга қарамай, охирги турда "Милан" ашаддий рақибига қарши 5-1 ҳисобидаги ёмон натижа қайд этди. Кўрамиз, Пиоли шогирдлари бунга қандай жавоб бераркин...
7. Эван Фергюсон – 4 та
Ирландия терма жамоаси аъзоси мавсум аввалида жароҳат олганди. Шунга қарамай, у иккита ўйинда майдонга тушди. Бу ўйинларда 19 ёшли ҳужумчи 4 та голга муаллифлик қилди. Улар ичида "Ньюкасл"га қарши хет-трик бор. Фергюсон ҳозир бутун Европа назарида турибди.
6. Жуд Беллингем – 5 та
Англия терма жамоаси аъзоси Ла-лиганинг дастлабки 4 та турида гол урди. Унинг "Реал" ғалабасига қўшаётган ҳиссаси ўта катта. Беллингем ўз жамоаси билан 5 та турда бешта ғалаба билан пешқадамлик қилиб турибди. Эндигина 20 ёшга кирганига қарамай, Жуд ўзига сарфланган пулларни тўлақонли оқлай бошлади.
5. Лаутаро Мартинес – 5 та
Аргентиналик жаҳон чемпиони янги мавсумда сермаҳсуллик намойиш этмоқда. Мартинес "Монца", "Кальяри" ва "Фиорентина" билан ўйинларда гол урган. Аммо "Милан"га қарши дарвозага йўл топа олмади. Аммо унинг жамоаси йирик ғалабага эришди.
4. Йонас Винд – 5 та
Винд ўтган мавсум давомида 5 та гол урганди. Аммо "Вольфсбург" ҳужумчиси янги мавсумнинг 1 ойида бу натижага дарров эришди. 24 ёшли футболчи гигантлар томонидан жиддий кузатилса керак. Дания терма жамоаси аъзосига даъвогарлар кўп бўлади.
3. Эрлинг Холанд – 7 та
Холанд доимо бундай жадвалларнинг аввалида юради. У янги мавсумда ҳам рақиб дарвозаси олдида ўта совуққонлик билан ҳаракат қилмоқда. Норвегия терма жамоаси аъзоси шу йўсинда яна "Олтин бутса"га лойиқ топилса керак. Ҳархолда, 5 та турдан кейинги статистикалар шунга ишора қилмоқда.
2. Килиан Мбаппе – 7 та
Мбаппе 2017 йилдан бери бир мавсумда ўртача 24 та гол уриб келади. Унинг энг яхши натижаси 2018/19 йилда қайд этилган бўлиб, ўшанда Мбаппе 33 та гол урган. У бутун Европада Холандга ягона рақобатчи сифатида қаралмоқда. 4 тагина ўйинда майдонга тушган бўлсада, Мбаппе 7 та гол уришга улгурди. Месси ва Неймарсиз "ПСЖ"нинг асосий қуроли фақатгина Мбаппе бўлади.
1. Серу Гирасси – 8 та
Гирасси номини кўпчилик танимаслиги мумкиндир. Аммо у яхши даражага эга ҳужумчи эканини Бундеслигада исботлай олди. "Штутгарт" вакили ёзда "Ренн"дан олиб келинганди. 27 ёшли гвинеялик футболчи янги мавсумда 4 та ўйинда 8 та гол уриб, Германия футболида аллақачон шов-шув кўтарди. Унинг ҳаракатлари билан "Штутгарт" Бундеслигада олдинги ўринларда бормоқда.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
