Осиё Чемпионлар лигаси гуруҳ босқичининг 3-турида «Навбаҳор» 23 октябрь, душанба куни ўз майдонида Эроннинг «Нассажий Мозандарон» клубини қабул қилиб, қийин ғалабага эришди.
Биринчи бўлим тенгкурашлар остида кечди, аммо тайм сўнгида наманганлик ҳимоячиларнинг қўпол хатоси натижасида Озодий дарвозабонимиз билан яккама-якка вазиятга чиқиб кетди ва ҳисобни очди.
Иккинчи бўлим бошида меҳмонлар ҳимоячиси Собир Ҳарданий ярим ҳимоячимиз Жамшид Болтабоевнинг оёғига тик оёқ билан ташлангани учун майдондан четлатилди. Шундан кейин устунлик "Навбаҳор" томонига ўтди. Ўруновнинг туширилиши эса жамоа ўйинини янада кучайтирди.
Бабаян шогирдларининг уринишлари ниҳоят 74-дақиқага келиб ўз самарасини берди. Ўрунов Искандеров билан "девор" ўйнаб рақиб жарима майдонига кириб борди ҳамда ҳимоячилар қурвошида бўлишига қараб дарвоза бурчагига аниқ зарба бериб, ҳисобни тенглаштирди.
Иккинчи бўлимга ҳакам нақ 11 дақиқа қўшиб берди. "Навбаҳор" эса ана ўша дақиқаларда ғалабани илиб кетди. Яна ўша Ўрунов жамоадоши Искандеров билан пас ўйнаган ҳолда чап қанотдан жарима майдонига кирди. Остон орқароққа узатма бераётганида тўп эронлик ҳимоячининг оёғига текканча дарвозага кириб кетди — 2:1.
"Навбаҳор" гуруҳдаги асосий рақибларидан бири устидан ишончли ғалабага эришди ва ўз очколарини 7 тага етказганча кейинги босқичга чиқиш учун яхши имконият ҳосил қилди.
ОЧЛ. "D" гуруҳи, 3-тур
"НАВБАҲОР" - "НАССАЖИЙ МОЗАНДАРОН" - 2:1 (0:1)
Голлар: Остон Ўрунов (74), Меҳрдод Абдиҳангоҳ (90+7-автогол) — Ризо Озодий (44)
“Навбаҳор”: 1. Ўткир Юсупов, 4. Азимжон Аҳмедов (7. Остон Ўрунов, 46), 5. Милош Милович, 6. Иброҳим Йўлдошев, 10. Жамшид Искандеров, 13. Филип Иванович, 14. Жамшид Болтабоев, 17. Аброр Исмоилов, 19. Дониёр Абдуманнопов (77. Асадбек Собиржонов, 62), 21. Темурхўжа Абдухолиқов, 22. Игор Голбан.
“Нассажий Мозандарон”: 1. Рашид Мазаҳерий, 3. Воҳид Муҳаммадзода, 4. Амирмаҳди Жанмалекий, 5. Саид Беигий, 8. Фаршид Исмоилйи (14. Али Даврон, 65), 9. Муҳаммадризо Озодий, 11. Маҳмуд Ҳайдараҳмати (6. Меҳрдод Абдиҳанан, 24), 32. Собир Ҳарданий, 77. Муҳаммад Ҳуссейний, 88. Исмоил Бобойи (20. Аҳмад Мусавйи, 65), 96. Муҳаммадризо Аббоси (22. Хосе Антонио Вильяр, 82).
Огоҳлантиришлар: Азимжон Аҳмедов (7), Игор Голбан (27), Муҳаммадризо Азади (87).
Четлатиш: Собир Ҳарданий (52).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
