Osiyo Chempionlar ligasi guruh bosqichining 3-turida «Navbahor» 23 oktyabr, dushanba kuni o‘z maydonida Eronning «Nassajiy Mozandaron» klubini qabul qilib, qiyin g‘alabaga erishdi.
Birinchi bo‘lim tengkurashlar ostida kechdi, ammo taym so‘ngida namanganlik himoyachilarning qo‘pol xatosi natijasida Ozodiy darvozabonimiz bilan yakkama-yakka vaziyatga chiqib ketdi va hisobni ochdi.
Ikkinchi bo‘lim boshida mehmonlar himoyachisi Sobir Hardaniy yarim himoyachimiz Jamshid Boltaboyevning oyog‘iga tik oyoq bilan tashlangani uchun maydondan chetlatildi. Shundan keyin ustunlik "Navbahor" tomoniga o‘tdi. O‘runovning tushirilishi esa jamoa o‘yinini yanada kuchaytirdi.
Babayan shogirdlarining urinishlari nihoyat 74-daqiqaga kelib o‘z samarasini berdi. O‘runov Iskanderov bilan "devor" o‘ynab raqib jarima maydoniga kirib bordi hamda himoyachilar qurvoshida bo‘lishiga qarab darvoza burchagiga aniq zarba berib, hisobni tenglashtirdi.
Ikkinchi bo‘limga hakam naq 11 daqiqa qo‘shib berdi. "Navbahor" esa ana o‘sha daqiqalarda g‘alabani ilib ketdi. Yana o‘sha O‘runov jamoadoshi Iskanderov bilan pas o‘ynagan holda chap qanotdan jarima maydoniga kirdi. Oston orqaroqqa uzatma berayotganida to‘p eronlik himoyachining oyog‘iga tekkancha darvozaga kirib ketdi — 2:1.
"Navbahor" guruhdagi asosiy raqiblaridan biri ustidan ishonchli g‘alabaga erishdi va o‘z ochkolarini 7 taga yetkazgancha keyingi bosqichga chiqish uchun yaxshi imkoniyat hosil qildi.
OCHL. "D" guruhi, 3-tur
"NAVBAHOR" - "NASSAJIY MOZANDARON" - 2:1 (0:1)
Gollar: Oston O‘runov (74), Mehrdod Abdihangoh (90+7-avtogol) — Rizo Ozodiy (44)
“Navbahor”: 1. O‘tkir Yusupov, 4. Azimjon Ahmedov (7. Oston O‘runov, 46), 5. Milosh Milovich, 6. Ibrohim Yo‘ldoshev, 10. Jamshid Iskanderov, 13. Filip Ivanovich, 14. Jamshid Boltaboyev, 17. Abror Ismoilov, 19. Doniyor Abdumannopov (77. Asadbek Sobirjonov, 62), 21. Temurxo‘ja Abduxoliqov, 22. Igor Golban.
“Nassajiy Mozandaron”: 1. Rashid Mazaheriy, 3. Vohid Muhammadzoda, 4. Amirmahdi Janmalekiy, 5. Said Beigiy, 8. Farshid Ismoilyi (14. Ali Davron, 65), 9. Muhammadrizo Ozodiy, 11. Mahmud Haydarahmati (6. Mehrdod Abdihanan, 24), 32. Sobir Hardaniy, 77. Muhammad Husseyniy, 88. Ismoil Boboyi (20. Ahmad Musavyi, 65), 96. Muhammadrizo Abbosi (22. Xose Antonio Vilyar, 82).
Ogohlantirishlar: Azimjon Ahmedov (7), Igor Golban (27), Muhammadrizo Azadi (87).
Chetlatish: Sobir Hardaniy (52).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
