Заа «МЮ» билан 5,5 йиллик шартнома имзолашга розилик берди
Англиянинг «Манчестер Юнайтед» клуби чемпионшип вакили «Кристал Пэлас»нинг 20 ёшли яримҳимоячиси Уилфрид Заани сотиб оладиган бўлди. Бу ҳақда британ матбуоти хабар тарқатди.
Манбанинг маълум қилишича, томонлар трансфернинг барча масаласи бўйича келишувга эришишган. Заа «МЮ» билан беш ярим йилга мўлжалланган шартнома имзолашга розилик берган. Энди яқин икки кун ичида футболчи тиббий кўрикдан ўтиши керак ва расман шартнома имзоланади.
«Қизил иблислар» раҳбарияти футболчи учун бир вақтда 10 миллион фунт стерлинг тўлашади. Агар у янги клуб сафида муваффақиятли тўп сура олса, бу сумма 15 миллион фунт стерлингга ошиши мумкин.
Қайд этиб ўтиш жоиз, томонларнинг келишувига биноан Заа мавсум сўнггига қадар «Кристал Пэлас»да ижара асосида қолади. Футболчи «Юнайтед» сафига июнь ойида келиб қўшилади.
Манба: www.championat.com
Киритилди: 17:39, 24.01.2013. Ўқилди: 3492 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар