2023 йил дунё футболида ярим ҳимоячилар нархи кескин ошиб, 100 миллиондан ортиққа баҳолана бошлади. Аммо ҳали ҳам ҳужумчилар соҳанинг энг қиммат вакиллари саналади. Негаки, айнан улар ўйин тақдирини ҳал қилади. Қуйида ўтган йил давомидаги энг яхши ҳужумчилар ўнталигини билиб оласиз.
10. Сантьяго Хименес
Клуби: "Фейеноорд"
Миллати: мексикалик
Голлари: 39 та
Умуман олганда, Европанинг ҳар қайси катта клуби Хименесга қизиқиш билдирмоқда. Нега бундай бўлганини эса футболчининг статистикаси айта олади. Мексика терма жамоаси аъзоси жорий мавсумнинг ўзида 16 та баҳсда 18 та голга муаллифлик қилди. Мухлислар уни тез орада бирорта катта клубга ўтишини кутмоқда.
9. Барнабаш Варга
Клуби: "Ференцварош"
Миллати: венгер
Голлари: 39 та
Варга 30 ёшга яқинлашган ҳолда Венгрия терма жамоасига чақириқ олди. У ўтган мавсумда "Пакс" билан энг яхши тўпурарга айлана олганди. Шу сабаб уни мамлакатнинг энг катта клуби бўлган "Ференцварош" харид қилди. Бу эса бекорга эмас, албатта.
8. Херман Кано
Клуби: "Флуминенсе"
Миллати: аргентиналик
Голлари: 40 та
Кано 2023 йилда ўз жамоасининг энг зўри бўла олди десак, янгишмаган бўламиз. 36 ёшли ҳужумчи "Флуминенсе"да фаолиятидаги илк катта соврин бўлмиш, Либертадорлар кубогига эга чиқди. У мусобақа ярим финалида 3 та, финалида эса 1 та гол уришга эришганди.
7. Дени Буанга
Клуби: "ЛА"
Миллати: габонлик
Голлари: 40 та
"Лос-Анжелес" МЛС бош совринига эриша олмади. Аммо бу нарса Буaнгани гол уришдан тўхтата олгани йўқ. 2023 йил давомида Габон терма жамоаси аъзоси 40 та гол урди. Шулардан 38 таси клуб миқёсида, 2 таси эса терма жамоада юз берди.
6. Ромелу Лукаку
Клуби: "Интер", "Рома"
Миллати: бельгиялик
Голлари: 40 та
Лукаку учун 2023 йил омадли келмади. Аммо у гол уришни унутиб қўйгани йўқ. Бельгиялик 17 тагина голни клубларда киритган. Аммо у терма жамоада ўта юқори даража намойиш эта олди. Ҳужумчи 9 та баҳсда 15 та гол урди. Евро саралашларида эса 14 та голга муаллифлик қилди.
5. Гарбан Кохлан
Клуби: "Кашмер Текникал"
Миллати: ирланд
Голлари: 42 та
Кохлан ҳаммагаям таниш бўлмаган футболчи. Аммо у ўз клуби учун ўта муҳим шахс саналади. Кохлан Янги Зеландия чемпионатида голларни шунчаки, завқ олиш учун киритади. У 42 та голни фақатгина 2023 йилда урди.
4. Эрлинг Холанд
Клуби: "Манчестер Сити"
Миллати: норвег
Голлари: 50 та
"Шаҳарликлар"ни требл зафарига чорлаган футболчи календар йили давомида ажойиб ҳаракат қилди. Кўпчилик томонидан энг яхши сифатида эътироф этилган Холанд, 2023 йилда нақ 50 та гол уришга эриша олди.
3. Харри Кейн
Клуби: "Тоттенхэм", "Бавария"
Миллати: инглиз
Голлари: 52 та
Кўп йиллик ҳаракарлардан кейин, Кейн ваниҳоят 2023 йилнинг ёзида "Тоттенхэм"дан кетди. У Лондонда клуб рекордчисига айлана олганди. Англия терма жамоаси аъзоси Германияда ҳам ўз ишини давом эттириб, Бундеслиганинг энг тез 20 та голга эришган илк футболчисига айланди.
2. Килиан Мбаппе
Клуби: "ПСЖ"
Миллати: франциялик
Голлари: 52 та
2023 йил Мбаппени қанчалик яхши ҳужумчи эканини яна бир бор исбот этди. У "ПСЖ" билан чемпион бўлиб, турнирнинг энг яхши тўпурарига айланди. "Олтин тўп" соврини учун рўйхатда эса унинг номи учинчи ўринда қайд этилди.
1. Криштиану Роналду
Клуби: "Ан-Наср"
Миллати: португал
Голлари: 54 та
Ҳа, Роналду қаерга борса ҳам, Роналдуда! У ҳали-ҳамон голлар уришдан тўхтагани йўқ. Гарчанд, энди Саудияда ҳаракат қилаётганига қарамасдан, Роналду 54 та голга муаллифлик қила олди. У 38 ёшида шу натижага эришди. Нима ҳам дердик, у – даҳо.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
