Ҳозирги кунда "Машъал" футбол клуби Тошкентда бўлиб ўтаётган ПФЛ кубоги мусобақасида иштирок этишмоқда. Шунингдек, "Машъал" жамоаси янги мавсумга таркиб юзасидан ҳам бир қанча ижобий ўзгаришларни амалга ошириш учун изланишлар олиб боришмоқда.
Сайтимиз номидан "Машъал" ПФК бош директори Илҳом Қурбоновга жамоадаги ўзгаришлар ҳақида сўраб мурожаат қилдик ва қўйидаги маълумотларга эга бўлдик.
"Жамоамиз, ўзингизга маълум, ҳозирги кунда Тошкентда ўтказилаётган анъанавий ПФЛ кубоги мусобақаларида иштирок этмоқда. Шунингдек, бир қанча ўйинчиларни кўрикдан ҳам ўтказиб бораяпмиз. Жамоамиз мураббийлари янги мавсумдан ўйин тактикаси бўйича янгиликни жорий қилишмоқчи, шунинг учун ушбу тактикаларга техник ва жисмоний томондан мос келадиган ўйинчилар қидираяпмиз. Ҳозир жамоамизда Виктор Клишин, Баҳодир Муртозаев каби ўйинчилар кўрикдан ўтишмоқда, булардан қайси қайсилари жамоада қолиши мураббийларнинг хулосасига боғлиқ бўлади.
Бизда ўтган йилдагига ўхшаган муаммо пайдо бўлмоқда, яъни, ўйинчиларимизнинг кўпчилиги турли ёшдаги терма жамоаларига жалб этилиши бўлиб турибди. Тўғри, бу бир томондан жуда шарафли, аммо иккинчи томондан бизга муаммолар ҳам туғдирмоқда. Ҳозирги кунда Алексей Евстафиев томонидан 10 нафар ўйинчимиз терма жамоа йиғинига таклиф этилган. Шу 10та ўйинчимиздан ярми терма жамоа ихтиёрида қолган тақдирда ҳам кўпчиликни ташкил қилади. Бунга қўшимча бу йил ёшлар ўртасидаги жаҳон чемпионатига ҳам қатнашиш учун 7та ўйинчимиз йиғинга таклиф этилган. Бу дегани ярим таркибимиз терма жамоа ихтиёрида бўлишади, бизга эса ўйинчилар сони бўйича 25 нафар лимит берилган. Биз ушбу муаммони ҳал қилиш бўйича расман ПФЛга мурожаат қилишни мулжаллаб турибмиз, тўғрироғи ўйинчилар лимитини кўпайтириш бўйича.
Жамоамизда муҳит яхши, ҳамма ўз ишини сидқидилдан бажариб боришаяпти, аввал айтиб ўтганимдек, биз шу йилнинг ўзида олий лигага қайтиш масаласини ҳал қилишимиз керак. Бунинг учун имкониятларимиз етарли, шахсан вилоят ҳокими ва Қашқадарё футбол федерацияси барча юзага келган муаммоларимизни ўз вақтида ижобий ечиш бўйича амалий ёрдамларини аяшмаяпти. Биз бундан жуда миннатдормиз", - дейди Илҳом Қурбонов.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
