Кеча Ёшлар лигасининг 1-турида Баҳодир Аннаматов бошқарувидаги “Насаф” ўринбосарлари “Олмалиқ” жамоаси билан куч синашишиб, иродали ғалабага эришишди.
Учрашувнинг 13-дақиқасида ўнг бурчакдан узатиб берилган тўпни Фаррух Нурлибоев яқин масофадан боши билан дарвозага аниқ йўллаб ҳисобни очди. Аммо шу дақиқадаёқ ҳужумга ўтган қаршиликлар Азамат Алланиязовнинг аниқ ва кучли зарбаси билан мувозанатни тиклашди - 1:1.
Иккинчи бўлим ўрталарида яна ўнг қанотдан жарима майдонига узатиб берилган тўпни Шариф Мирзаев боши билан “Насаф” посбони устидан ошириб тўрга туширди. Ҳисобда ортда боришига қарамай ёш насафчилар омадни рақиб дарвозаси олдидан излашди. Натижада 77-дақиқада захирадан майдонга тушган Жамолиддин Машариповнинг боши билан берган зарбаси эвазига ҳисобни тенглашди - 2:2. 81-дақиқада рақибига қўполлик қилганлиги учун жамоа сардори Улуғбек Дадабоев ҳакам томонидан майдондан четлатилди. 87-дақиқада бурчакдан узатилган тўпни Сарвар Холмуродов чамаси 10 метрлар узоқликдан дарвозага йўллади. Тўп эса дарвоза устунига тегиб тўрга йўл олди - 3:2.
Натижада икки бор ҳисобга ортда қолишларига қарамай Баҳодир Аннаматов шогирдлари бир киши кам бўлиб ҳаракат қилишсада, тажрибали рақиб устидан иродали ғалабага эришишди.
Ёшлар лигаси. 1-тур. 01.03.2013
“Насаф” – “Олмалиқ” 3:2 (1:1)
Қарши шаҳри. “Насаф” стадиони.
Ҳакамлар: Азиз Асимов, Фарҳод Усмонов, Комилжон Расулов, Наим Қосимов.
Назоратчи: Булат Галеев.
“Насаф”: 25. Элдорбек Суюнов, 5. Мирзамурод Жўрабоев, 6. Обид Мамотов (26. Жалолиддин Машарипов, 71), 9. Азамат Алланиязов (8.Дониёр Нарзуллаев, 90), 10. Азизбек Маликов (30. Илҳом Усубжонов, 90), 11. Жавоҳир Ашуров (7. Акбар Муродов, 61), 13. Тоҳир Абдураззоқов (с) (28. Сарвар Холмуродов,75), 19.Миржалол Мўминов, 20. Улуғбек Дадабоев, 22. Нажмиддин Нормуродов.
“Олмалиқ”: 22. Умид Хонимқулов (с), 3. Шуҳрат Садриддинов, 4. Фарруҳ Нурлибоев, 5. Муҳаммадқундуз Муталибхонов, 2. Маъмур Абдуллаев, 14. Исроил Эргашев, 8. Зафар Тўраев (Диёр Туропов, 58), 20. Сардор Сотволдиев (18. Бекзод Тожибоев 86), 15. Элёр Мамасолиев (19. Маъруф Муродов, 70), 10. Мўйдин Мамазулунов (17. Сирожиддин Абдуҳакимов, 72), 11. Шариф Мирзаев.
Голлар: Фарруҳ Нурлибоев, 13 -0:1, Азамат Алланиязов, 15 -1:1, Шариф Мирзаев, 69 -1:2, Жамолиддин Машарипов, 77 -2:2, Сарвар Холмуродов, 87 - 3:2.
Огоҳлантиришлар: Маликов (27) – Нурлибоев (27).
Четлатиш: Дадабоев (81).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
