Испания чемпионатида навбатдаги 27 тур учрашувлари бўлиб ўтмоқда. Турнинг эътиборга молик учрашвларидан бирида «Сельта» ўз майдонида «Реал»ни қабул қилди ва 1:2 ҳисобида мағлубиятга учради.
Учрашувнинг 61 дақиқасида Роналду ҳисобни очди. Ҳимоячи томонидан қайтган тўпни дарвозага йўллашда португалиялик футболчи қийинчиликка дуч келмади.
Кейин икки дақиқа ўтгач, майдон эгалари ҳисобни тенглаштиришди. Аспас жамоасининг голига муаллифлик қилди. Лекин голдан сўнг «Реал» қатор имкониятларни юзага келтирди ва шундай ҳужумлардан бирида ҳимоячилар Какани жарима майдончаси ичида қўполлик билан тўхтатиб қўйишди. Ҳакам томонидан белгиланган пенальтини Криштиану Роналду голга айлантирди ва жамоасига ғалаба келтирди. Шуни алоҳида таъкидлаш керакки, учрашувда ҳар икки жамоа дарвозабонлари ажойиб ўйин намойиш этишди.
Учрашув тугашига яқин эса майдон эгалари жуда катта босим юзага келтиришди, лекин ҳисобни ўзгартириш ҳеч бир жамоага насиб этмади.
Испания чемпионати
27 тур
Сельта – Реал Мадрид 1:2
Голлар: Аспас (63) — Роналду (61, 72 пенальти).
Сельта: Хави Варас, Хони Кастро, Демидов, Туньес, Лаго, Оубинья, Алекс Лопес (Праньич, 56), Фернандес, Крон-Дели (Пак Чу Юн, 82), де Лукас (Бермехо, 61), Аспас.
Реал Мадрид: Диего Лопес, Эссьен, Пепе, Альбиоль, Марсело, Хедира (Алонсо, 46), Модрич, Озил, Кальехон (Кака, 66), Роналду, Бензема (Игуаин, 66).
Матнда хатолик топсангиз, ўша хатони белгилаб, бизга жўнатинг (Ctrl + Enter).