Зарафшон шаҳридаги "Прогресс" стадионида "Қизилқум" ва "Бунёдкор" ёшлари куч синашишди.
Учрашувнинг дастлабки дақиқаларида майдон эгалари бироз фаолроқ ўйин кўрсатишди. Майсанинг ҳолати яхши эмаслиги боис "Бунёдкор" ёшларининг майдонга кўникишларига озроқ вақт керак бўлди. Натижада биринчи гол мезбонлар томонидан киритилди. Наврўзбек Алимов ҳимоячилар таъқибидан қочиб кетиб, Акбар Тўраев қўриқлаган дарвозани аниқ нишонга олди - 1:0.
Орадан бир дақиқа ўтиб, Азизбек Мамазоевнинг дарвозага йўллаган кучли зарбасини "Қизилқум" ёшлари сардори Файзулло Қабрамов қўли билан тўхтатиб қолди ва пенальти белгиланди. 11 метрлик нуқтадан Баҳодир Пардаев ҳисобни тенглаштирди. Кейин эса Миржамол Қосимовнинг ажойиб пасидан сўнг Сардор Рашидов ўз тезлиги эвазига дарвозабон билан деярли бирга-бир вазиятга чиқди ва имкониятидан унумли фойдаланиб, ҳисобни 1:2га оширди. Биринчи бўлим охирларида Баҳодир Пардаев йўллаган зарбани зарафшонликлар посбони тўсиб қололмади - 1:3.
Иккинчи бўлим ўрталарида бош ҳакам Сардор Рашидовга қизил карточка кўрсатди. Оқибатда ёш "қалдирғочлар" баҳсни 10 киши бўлиб якунлашга мажбур бўлишди. Ҳакам томонидан қўшиб берилган дақиқалар ўтиб бораётганида Баҳодир Қосимов ҳисобдаги фарқни биттага қисқартирди - 2:3. Шу тариқа, Александр Мочинов бошчилигидаги "Бунёдкор" ёшлари Зарафшондаги баҳсда уч очкони қўлга киритишди.
Ёшлар лигаси, 3-тур
"ҚИЗИЛҚУМ" - "БУНЁДКОР" 2:3 (1:3)
Голлар: Наврўзбек Алимов, Баҳодир Қосимов - Баҳодир Пардаев 2та, Сардор Рашидов
Четлатиш: Сардор Рашидов
"Қизилқум": 1.Ойбек Абдиев, 28.Файзулло Қамбаров (сардор), 10.Азамат Абдуллаев, 2.Алишер Турдиев, 26.Умиджон Каримов, 23.Сарвар Холматов, 8.Ғуломҳайдар Ғуломов, 30.Зайниддин Комилов, 11.Наврўзбек Алимов, 9.Баҳодир Қосимов, 7.Бобир Ўроқов
Захирадагилар: 70.Элдор Тожибоев, 5.Бакир Дийқонбоев, 27.Фаррух Шотурсунов, 15.Равшан Нарзиев, 3.Нурхат Ажибеков
"Бунёдкор": 45.Акбар Тўраев, 3.Ҳасан Асқаров, 4.Миржамол Қосимов, 5.Жавлон Мирабдуллаев, 7.Сардор Рашидов, 8.Хуршид Ғиёсов, 11.Дилшод Жўраев, 16.Зокиржон Нурматов, 18.Камронбей Кападзе (сардор), 19.Баҳодир Пардаев, 22.Азизбек Мамазоитов
Захирадагилар: 44.Дилшод Ҳамроев, 6.Сардор Азимов, 9.Игорь Таран, 10.Темур Аюпов, 14.Нодиржон Отажонов, 15.Забихилло Ўринбоев, 21.Шерзод Мусаев
Ҳакамлар: Рустам Тошмуҳаммедов (Нукус), Руслан Самандаров (Навоий), Обид Жумаев (Навоий), Нодир Болтаев (Навоий)
Учрашув назоратчиси: Булат Галеев (Урганч)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
