Дербида чемпионлик унвонини қўлга киритиш, чемпионат тугашига беш тур қолганда бу орзу! Ҳозирги "Интер"дан ташқари ҳамма учун орзу. Симоне Индзаги буюк ишларга қодир зўр жамоа тузди. Ва, эҳтимол, у ажойиб бўлади. Лекин бу мавсумда эмас.
"Интер" жуда аламли вазиятга тушиб қолди. У Чемпионлар лигасида "Атлетико"га ютқазди ва унинг мавсуми март ойи бошида якунига етди. Тугади! Чунки А Сериядаги барча масалалар анчадан бери ёпилган ва “Интер” 2023 йилнинг декабрида Кубокдан чиқариб юборилганди. Индзаги жамоаси ўзининг улкан кучи, мослашувчанлиги ва жамоавий ишлаши билан мавсум тугашига уч ой қолганида мотивацияни йўқотди.
Катта жамоа катта вазифаларсиз мавжуд бўлмайди. "Интер" жуда катта жамоа. Миланликлар Жозе Моуриньонинг "олтин" давридан бери бу қадар катта бўлмаган. Қайси “Интер” кучлироқ: португалиялик давридагими ёки ҳозиргисими? Савол бироз мавҳум, аммо унга аниқ жавоб бериш мумкин. Ҳозирги "Интер" кўзни қувонтиради. Агар Жозе жамоаси натижаларни ҳимоявий ўйин орқали қўлга киритганини кўрсангиз, Индзаги жамоаси футбол ўйнайди. Ва айни пайтда у натижаларга эришади.
Бироқ, муҳим бир "лекин" бор. Моуриньо бошчилигидаги “Интер” якуний мақсадига етди. Барча турнирларда. Индзаги бошчилигидаги "Интер" эса ўз ўйинида қанчалик ёрқин ва замонавий бўлмасин, мавсумни март ойида якунлади. Ҳа, бу вақтга келиб А Серияда ғалаба қозонган эди. Аммо бу билан фахрланиш учун етарли эмас. Катта жамоалар учун турнирлардан бирида олдиндан ғалаба қозониш қувониш учун сабаб эмас. Аксинча, бу кучларни энг керакли жойга вазиятга қаратиш имкониятидир. "Интер" эса буни амалга оширишдан хурсанд бўларди.
Чемпионлар лигасидан шундай эрта чиқиб кетиш фонида дербида А Серияда ғалаба қозониш имконияти кичик нарсадек кўринади. Дербида чемпионликни қўлга киритиш чиройли, рамзий маънога эга, аммо Чемпионлар лигасининг 1/8 босқичидаёқ турнир билан хайрлашиш бу жамоа учун ачинарли.
Буни текширишнинг иложи йўқ, лекин "Интер" Чемпионлар лигасига қайтса, дербида мағлуб бўлишга ҳам тайёр бўларди. Чунки энг зўрлар билан рақобатлаша оладиган ва ўз кучингиздан тўлиқ фойдалана оладиган катта турнир бор. Айнан мана шундай турнирлар ва ўйинлар учун куч тўплаш керак. Қолаверса, "Интер" ўтган мавсумда Чемпионлар Лигасининг таъмини олганди. Жамоа чемпионликка бир қадам қолган эди.
"Интер" кейинги мавсумда яна-да кучли бўлади. Индзаги қолади, Меҳди Тареми ва Пиотр Зиелински келиши керак. Балки бошқа янги ўйинчилар ҳам пайдо бўлар. “Интер” бу мавсумда чемпионликни қўлга кирита олмаганидан кейин, албатта, йиқилмайди. Аммо ҳозирги жамоа кучга тўла ва, кўриниб турибдики, заиф томонлари йўқ.
"Атлетико"га респект. Улар "Интер"ни ҳалол мағлуб этишди. Ва маълум бир кунда, аниқ икки соат ичида миланликлар ўзларининг барча камчиликларини кўрсатишди. “Атлетико” эса аксинча, камчиликларини яшириб, бор кучини берди. Аммо бутун мавсум шуни кўрсатадики, жамоа сифатида “Интер” кучлироқ. "Атлетико" ҳам буни билвосита кўрсатди. Қандай қилиб “Интер”ни юта туриб, “Боруссия”дан мағлуб бўлиш мумкин эди, энди бу бошқа масала.
“Интер" бу мавсумда ажойиб футбол намойиш этмоқда . Симоне Индзаги жуда мослашувчан, бошқариладиган жамоани яратди. Бу жамоа А Серияда 100 дан ортиқ очко тўплаши мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
