Бугун футзал бўйича Ўзбекистон кубогининг финал баҳси бўлиб ўтди. Финалга Тошкентнинг икки жамоаси — "Ардус" ва "Локомотив" жамоалари етиб келишди.
Ўйиннинг 2-дақиқасидаёқ "Локомотив" ҳисобни очиши мумкин эди. "Ардус" ҳужум пайтида тўпни йўқотди ва Нодир Элибоев Свиридовни қулай вазиятга чиқарди. Константиннинг зарбасига аниқлик етишмади.
Ҳисобни очиш барибир темирйўлчиларга насиб этди. Юнусовнинг кучли зарбасини дарвоза устунига тегиб қайтди ва дарвоза ёнида турган Даврон Чориев ҳисобни очишга муваффақ бўлди. Голдан руҳланган "Локомотив" футболчилари орадан бир дақиқа ўтиб, ҳисобни 2:0га етказди. Нодир Элибоев узатиб берган тўпни яна ўша Чориев дарвозага йўллади.
Биринчи бўлим сўнгига қадар "Ардус" кўпроқ ҳужум уюштирган бўлса-да, Аҳад Юсупов шогирдлари дарвоза дахлсизлигини сақлаб қола олишди.
Иккинчи бўлим бошида энди ардусчилар рақибининг майдон марказидан тўп йўқотишидан фойдаланиб, ҳисобни 1тага қисқартиришди. Чемпионат тўпурари Дилшод Раҳматов дарвозабон Рустам Умаров билан бирга-бир вазиятда гол ура олди.
Ушбу гол ўйиндаги интригани оширди. Орадан кўп ўтмасдан "Локо" ўйинчиси Фурқат Азизов икки марта бирга бир вазиятда Кравченкони доғда қолдира олмади. Аммо ўйиннинг 30-дақиқасида ушбу футболчи учинчи яккама-якка вазиятдан имкониятдан фойдаланди. "Ардус" футболчиси ҳужум пайтида йиқилиб тушди, ҳакамлар эса қоида бузилмаганини кўрсатишди. Қарши ҳужумчи сони жиҳатдан кўпчиликни ташкил қилган темирйўлчилар ҳисобни 3:1га етказишди.
Кейинги вазиятларда Бахтиёр Намозов шогирдлари катта куч билан билан олдинга интилишди. "Локомотив" эса қарши ҳужумдан фойдаланиш пайида бўлди. Таъкидлаш лозим, ушбу қарши ҳужумлар анча хавфли тус ола бошлади. Ҳаттоки бир вазиятда Кравченкони голдан дарвоза устуни қутқариб қолди.
Ўйин тугашига беш дақиқа қолганидан Фаррух Зокиров ҳисобни 2:3гача қисқартирди. Шлёманинг кучли зарбасини дарвозабон Умаров қайтарган бўлса-да, унинг ёнида турган Зокиров тўпни дарвозага йўллади.
Ўйин тугашига 3 дақиқада қолганида "Ардус" бешинчи ўйинчи тактикасидан фойдалана бошлади. Бир вазиятда Рустам Умаров ўйновчи-дарвозабоннинг кучли зарбасини ажойиб маҳорат кўрсатиб қайтариб юборди. Ўйиннинг асосий вақти тугашига 2 дақиқаю 8 сония қолганида "Локомотив" футболчиси ўз жарима майдончаси ёнида хавфли ўйин намойиш қилди. Ушбу "стандарт"дан "Ардус"чилар усталик билан фойдаланишди ва Дилшод Раҳматовнинг зарбасидан сўнг ҳисобни тенглаштиришди.
Иккинчи бўлим давомида бироз сусайган "Локомотив" жамоаси ҳисоб тенглашгандан кейин ҳужумга эътиборни кучайтирдию, аммо ҳисобни ўзгартира олмади. Мусобақа регламентига кўра, жамоалар ҳар бири 5 дақиқадан бўлган 2та қўшимча бўлимни ўтказишди.
Қўшимча бўлимлар қизиқарли ва юқори суратда ўтди. Иккинчи бўлим тугашига 1 дақиқаю 15 сони қолганида Даврон Чориев ўйинда ўзининг учинчи, жамоасининг эса тўртинчи голини "Ардус" дарвозасига йўллади. Бахтиёр Намозов майдонга яна бешинчи ўйинчини ташлади, аммо ҳисобни тенглаштириш учун ардусчиларга вақт етмай қолди.
Шу тариқа, "Локомотив" 2012-2013 йилги мавсумда Ўзбекистон кубогини қўлга киритди.
Футзал. Ўзбекистон кубоги. Финал.
"АРДУС" (Тошкент) - "ЛОКОМОТИВ" (Тошкент) - 3:4. Асосий вақт - 3:3. Қўшимча вақт - 0:1.
Голлар: Дилшод Раҳматов (22, 38), Фаррух Зокиров (35) — Даврон Чориев (7, 8, 49), Фурқат Азизов (30)
Огоҳлантиришлар: Дилшод Раҳматов (5), Пётр Шлёма — Жавлон Аноров (44)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
