"Барселона" президенти Жоан Лапорта фирибгарликда айблангани бўйича ўз муносабатини билдирди.
Маълумотларга кўра, «Барселона» президентига нисбатан 2016–2018 йиллар даврида содир этилган деб тахмин қилинаётган 4,7 миллион евро миқдоридаги фирибгарликка алоқадорлик бўйича тергов олиб борилмоқда.
Лапорта ва яна икки шахсга қарши даъвони лотереядан ютган маблағларини Гонконгдаги "CSSB Limited" компаниясига уч йил муддатга 6% йиллик фоиз ставкасини ундириш мақсадида сармоя қилган оила киритган. Инвестициялардан икки йиллик даромад 792 минг еврони ташкил қилиши керак эди, аммо натижада оила фақат 84 минг еврони олган ва сармоя қилинган сумма қайтарилмаган.
Даъвогарлар шартнома Лапорта томонидан "CSSB Limited" номидан тавсия этилганини ва унинг юрист сифатида иштирок этганини таъкидламоқда. Улар Лапортани молиявий саводхонлик етишмаслигидан фойдаланганликда айбламоқда ва унинг омма олдидаги обрўси туфайли унга ишонганини қайд этишган. Шунингдек, шикоятда Лапортанинг уларни бир неча марта «Камп Ноу»нинг ВИП ложасига таклиф қилгани ҳам айтилган.
«Барселона» раҳбари ўзининг фирибгарликдаги айбловларини рад этиб, қуйидаги баёнотни эълон қилди:
«2023 йил 26 май куни даъвогарлар фирибгарликда гумон қилинаётган шахслар гуруҳига қарши ариза беришди, бу гуруҳга мен ҳам киритилганман. Аммо мен даъвогарлар таъкидлаётган инвестицияларда ҳеч қандай иштирок этмаганман. Даъво берилган заҳоти судья уни рад этди, чунки жиноят таркиби йўқлигини тушунди.
Даъвогар мазкур қарорни апелляция қилди, ва Провинция суди жавобгарларнинг процессуал кафолатларини таъминлаш мақсадида уларни эшитиш зарурлигини таъкидлади.
Натижада, душанба куни соат 9:00 да ўша судья айрим жавобгарларнинг кўрсатмалари тинглайди, бу аввалги ҳолатларда ҳам содир бўлган эди.
Жавобгарлардан бири яқинда Лапорта ушбу компания билан боғлиқ қарорларга ҳеч қандай алоқаси йўқлигини айтди. Жавобгарлар ушбу иш яқин орада якунланишига ишонч билдиришмоқда.
"Laporta & Arbós" юридик компанияси ушбу компанияга инвестиция киритишни ҳеч қачон тавсия этмаган, чунки жараён у пайтда аллақачон бошланган эди.
Бу бирёқлама ва нотўғри маълумот Жоан Лапортанинг шахсий обрўси ва шаънига қаратилган ОАВ томонидан амалга оширилган яна бир бўхтондир. Аммо ҳақиқат яна бир бор номуссизлик устидан ғалаба қозонади», – дейилади баёнотда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
