Жанубий Кореянинг Yonhap ахборот агентлиги Чой Канг Хи жамоасининг эртанги Ливан билан учрашувдаги таркибини хужумдан ҳимоягача таҳмин ва таҳлил қилиб чиқди. Айтиш жоиз, кореяликларда ушбу ўйин борасида хавотирлар йўқ.
Терма жамоаси ҳужумчиси Ли Донг Гук Ливанга қарши учрашувнинг илк дақиқаларидаёқ рақиб дарвозасини ишғол қилишни мўлжалламоқда.
Ли Корея термасининг тўпурарларидан бири ҳисобланади. Унинг 30та голидан 10таси айнан Ўрта Шарқ жамоаларига қарши учрашувларида қайд этилган. Сешанба кунги баҳсга жиддий тайёргарлик кўраётган кореяликлар бош мураббийи Чой Канг Хи Ливанга олиб келган таркибдан фақатгина битта ҳужумчи ўрин олган - 34 ёшли Ли Донг Гук.
"Ливанлик футболчиларни руҳий жиҳатдан кучли, деб ўйламайман. Агар дастлабки дақиқалардан бошлаб яхши ўйнасак, уларни енгиш анча осонлашади", дейди нафақат терма жамоа, балки Корея "Кей-лигаси" тўпурарларидан бири бўлган Ли Донг Гук.
Хужумчининг фикрича, Ливан ўйин бошланиши билан эрта гол қўйиб юбормаслик мақсадида ўз жарима майдони атрофида кўпчилик бўлиб ўйнайди. Аммо агар Корея бу тўсиқни бир марта ёриб ўта олса ва гол урса, кейингиларида унчалик қийинчиликка дуч келмайди.
Тажрибали футболчи ўйин бўлиб ўтадиган Комил Чамун номидаги "Спортс Сити" стадиони ҳақида ҳам гапириб ўтди: "Бундай аҳволдаги майдонда тўпни назорат қилиш қийин бўлади. Аммо биз диққат-эътиборимизни жамлаган ҳолда гол уришга ҳаракат қилишимиз керак."
Кетма-кет саккизинчи марта ЖЧга чиқишга ҳаракат қилаётган Жанубий Корея ҳозирда Ўзбекистондан битта ўйин ва битта очкога ортда қолган ҳолда "А" гуруҳида иккинчи ўринни эгаллаб турибди. Ундан кейинги ўринларда Эрон ва Қатар бораётган бўлса, сўнгги ўринда корейсларнинг қаршисидаги рақиб - Ливан терма жамоаси.
Кореянинг ягона ҳужумчи билан майдонга тушиши аниқ бўлган айни пайтда эътиборни бошқа футболчиларга, жумладан хужумни кучайтиришга кўмаклашувчи ярим ҳимоя чизиғи вакилларига қаратиш ўринли. Бу борада гап кетганда аввало Англиянинг "Болтон" клуби ярим ҳимоячиси Ли Чунг Йонг эсга олинади. Тажрибали ярим ҳимоячи терма жамоа сафида 44 учрашувда майдонга тушиб, бешта гол муаллифига айланган. Шулардан иккитаси ЖЧ-2010 финал босқичида киритилган.
"Менга кўпроқ бошқа футболчиларга гол уришлари учун имконият яратиш ярашади", дейди Ли Чунг Йонг.
Ушбу футболчи ҳужумкор ярим ҳимоячи сифатида ҳаракатланса, бошқа ярим ҳимоячилар, жумладан Ким Нам Ил ва Ли Мйонг Жу эътиборини кўпроқ ҳимояга қаратадилар. Ким Нам Ил ЖЧнинг уч карра иштирокчиси ҳисобланса, унинг шериги Ли Мйонг Жу терма жамоага янги таклиф этилганлардан. Умуман олганда, ҳозирги терма жамоа ушбу иккала футболчи учун у қадар таниш бўлмаслиги мумкин. Сабаби Ливанга қарши учрашув Кимнинг 2010 йилги ЖЧдан буён биринчи ўйини бўлиши мумкин. Аммо 26 ёшли ярим ҳимоячининг тажрибасига шубҳа қилмаса ҳам бўлади, зеро у терма жамоа сафида 97 халқаро учрашувда майдонга тушган.
Терма жамоа сардори Квак Тае Хви ва Юнг Ин Хван ҳимояда ҳаракатланишса, ён қанотлар тўлалигича Ким Чи Ву ҳамда Ким Чанг Суга ишониб топширилиши кутилмоқда.
Июнда барча масала ҳал бўлади. Сўнгги икки турни терма жамоа ўз майдонида ўтказади. Ливан сафаридан сўнг дастлаб 11 июнь куни Сеулда Ўзбекистон термаси қабул қилинса, сўнгги тур пойтахтдан 410 км жанубда жойлашган Ульсан шаҳрида 18 июнь куни Эронга қарши бўлиб ўтади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
