Кеча Биринчи лига мусобақаларининг 14-тур учрашувлари ўтказилди. “Истиқлол” бу турни ҳам ўз майдонида ўтказди ва “Чуст-Пахтакор”ни қабул қилди.
Ўйин бошланиши билан катта куч билан олдинга ўтган мезбонлар дастлабки уч дақиқаликни ўзида тўртта голли вазиятни юзага келтиришди. Бу вазиятларда омад тўлиғича меҳмонлар томонида бўлди. Шундан кейин ҳам “Истиқлол” футболчилари ўйиндаги устунликни бир лаҳзага бўлса ҳам рақибга берганлари йўқ.
Учрашувнинг 52-дақиқасида жамоамиз сардори Ҳасан Эргашевнинг суперпасидан сўнг Зафар Содиқов ҳисобни очди — 1:0. Голдан кейин ҳам мезбонлар ҳужумлар уюштиришда давом этишди. Бироқ, ҳа деганда тўп дарвозага бориб тушмади.
Ўйиннинг 72-дақиқасида қанот ҳаками Шерзод Камаровнинг ҳурмача қилиғи мезбонларга қимматга тушди. Тўп чап қанотдан “Истиқлол” жарима майдончасига узатилди. Дарвозабон Отабек Холдоров тўпни ҳавода ушлаб олишга ҳаракат қилди, бироқ ерга тушиш жараёнида оёғи сийғаниб кетди ва ўзи дарвоза ичкарисига оғди. Аммо, тўпни қўллари билан дарвоза чизиғи устидан қайтариб қолди, бунинг устига тўп дарвоза устунига ҳам тегди ва майдонга қайтди. Ҳамма футболчилар ўйинни давом эттиришга чоғланган бир пайтда қанот ҳаками Шерзод Камаров “ҳунарини кўрсатди” ва байроқчасини кўтариб майдон марказига қараб югура кетди. Бош ҳакам дастлаб ўйинни давом эттириш кераклиги кўрсатаётган эди, аммо қанотдаги ёрдамчисининг марказга қараб югура бошлаганини кўриб, у ҳам тўп чизиқни кесиб ўтди деб баҳолади ва марказни кўрсатди. Футбол қоидаларига кўра, тўп ҳар қандай ҳолатда дарвоза чизиғини тўлиқ кесиб ўтгандагина гол деб ҳисобланиши керак, дарвоза чизиғи устидан қайтган ҳолатда эмас.
Агар тўп чизиқни тўлиқ кесиб ўтган бўлса, қандай қилиб устунга тегиб майдонга қайтиши мумкин. Бундай қонуниятни Алберт Эйнштейн ҳам изоҳлаб беролмаган бўларди. Тўп устунга тегиб майдонга қайтган ҳолатда қандай қилиб дарвоза чизиғини кесиб ўтиши мумкин?
Хуллас, қанот ҳаками ўз “ишини” қилди ва “Истиқлол” тўлиқ устунлик қилган ўйинида яна очко йўқотди.
«Истиқлол» (Тошкент) - «Чуст-Пахтакор» (Чуст) – 1:1. 103 томошабин.
Ҳакамлар: А. Чориев (Термиз), Ш. Камаров (Самарқанд), С. Хакимов (Самарқанд), Д. Сайлалов.
Назоратчи: Р. Саидов (Тошкент).
Голлар: З. Содиқов (52) – М. Махкамов (72).
“Истиқлол”: Отабек Холдаров, Жалолиддин Икромов, Азиз Ҳайдаров, Тимур Садиров, Азамат Розиқов, Жамолиддин Қўчқоров, Нодир Сагдуллаев, Нурпейс Тўрақулов, Ҳасан Эргашев, Нодир Одилов, Зафар Содиқов.
Захира: Мардон Усмонов, Аҳрор Мирсаидов, Сирожиддин Шоғуломов, Парвиз Содиқов, Олувиддин Рашидов, Жавоҳир Султонов, Шоҳид Тиллабоев.
“Чуст-Пахтакор”: Хусан Олимжонов, Фаррух Юлдашев, Сирожиддин Аллаев, Равшан Абдувоҳидов, Фарҳод Усмонов, Сарвар Отабоев, Мирзоҳид Маҳкамов, Мақсуд Маҳмудов, Умид Аҳмаджонов, Суҳроб Нўъмонов, Бобур Расулов.
Захира: Баҳриддин Омонов, Низом Норов, Элдор Норматов, Акмал Маражабов, Нуриддин Тожиалиев, Асадулло Эргашев, Акрам Гуллабоев.
Огоҳлантиришлар: Ф. Усмонов (65), М. Махмудов (иккаласи-«Чуст-Пахтакор», 82).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
