Максим Лисицин: «Қирғизистон терма жамоаси шу пайтгача Ўзбекистонга қарши барча ўйинларда ютқазгани бизга таъсир кўрсатмайди»
ЖЧ-2026 саралаш босқичидан ўрин олган Ўзбекистон ва Қирғизистон терма жамоалари ўртасидаги ўйиндан олдин матбуот анжумани ташкил этилди. Унинг илк қисмида меҳмонлар устози Максим Лисицин ва футболчи Валерий Кичин иштирок этди.
"Бизни эртага жиддий ўйин кутиб турганини ҳис қилиб турибмиз. Ушбу босқич ҳал қилувчи паллага кирмоқда. Ҳар бир жамоа мусобақада ўз мақсадини амалга ошириш учун курашяпти. Биз учун эртанги ўйинда ижобий натижа муҳим аҳамиятга эга. Ўз мақсадимизга эришиш учун ҳаракат қиламиз.
Футболчиларимизнинг айни пайтдаги ҳолати яхши. Биз тайёргарлик босқичини ўтадик. Миллий чемпионат доирасида ўтказилган 2 та тур футболчиларнинг тайёргарлигини тубдан ўзгартириб юборди деб ўйламайман. Эртанги баҳсга имкон қадар яхши тайёргарлик кўришга ҳаракат қилдик. Ўйинга қанчалик тайёрлигимизни эса эртанги учрашув кўрсатиб беради.
Ўзбекистон терма жамоасининг ҳимоя чизиғини қандай баҳолайман? Замонавий футболда ҳар бир ўйинчининг имкониятларидан кўра, улар мудофаада ҳамжиҳатликда қандай ҳаракат қилиши муҳимроқ. Ўзбекистон терма жамоасида сифатли ўйинчилар бор. Улар эса жамоанинг яхши ўйин кўрсатишида муҳим роль ўйнашади.
Бизда кўп ўйинчиларда бундай савиядаги турнир иштирок этиши тажрибаси йўқ. Бу нарса сафардаги ўйинларда билинади. Уйда эса мухлисларимизнинг кучли қўллаб-қувватлаши ўйинчиларимизни руҳлантиради.
Ўзбекистон ва Қирғизистон терма жамоалари ўртасидаги ўтказилган 9та ўйиннинг барчасида Ўзбекистон ғалаба қозонгани ҳақида статистика, умид қиламанки, футболчиларга таъсир қилмайди, уларга босим бермайди. Бу нарса мухлислар ва раҳбарларни ўйлантириши мумкин. Футболчилар эса статистика ҳақида ўйлашмаяпти.
Интернетда Қирғизистон терма жамоасини рағбатлантириш ҳақида турли фикрлар ёзилди? Мен бу ҳақда эшитмадим. Бизда шундоқ ҳам мотивация етарли. Федерациямиз бизни яхши қўллаб-қувватлаб келмоқда", — деди Лисицин.
"Бу ўйинга қизиқиш юқори эканини тушуниб турибмиз. Шунинг учун ўйин қизиқарли бўлади деб ўйлайман.
Суперлигада ўйнаганим менга Ўзбекистон терма жамоасини билишда яхши ёрдам берадими? Мен бундай деб ўйлайман. Ўзбекистон терма жамоаси асосини легионерлар ташкил қилади. Ўйинчиларнинг қандай фикрлашини аниқлашда бироз ёрдам бериши мумкин. Шундай экан, бу ҳолат менга ёрдам бермаса керак", — деди Валерий Кичин.
Манба: stadion.uz
Киритилди: 19:52, 19.03.2025. Ўқилди: 3863 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
