JCH-2026 saralash bosqichidan o‘rin olgan O‘zbekiston va Qirg‘iziston terma jamoalari o‘rtasidagi o‘yindan oldin matbuot anjumani tashkil etildi. Uning ilk qismida mehmonlar ustozi Maksim Lisisin va futbolchi Valeriy Kichin ishtirok etdi.
"Bizni ertaga jiddiy o‘yin kutib turganini his qilib turibmiz. Ushbu bosqich hal qiluvchi pallaga kirmoqda. Har bir jamoa musobaqada o‘z maqsadini amalga oshirish uchun kurashyapti. Biz uchun ertangi o‘yinda ijobiy natija muhim ahamiyatga ega. O‘z maqsadimizga erishish uchun harakat qilamiz.
Futbolchilarimizning ayni paytdagi holati yaxshi. Biz tayyorgarlik bosqichini o‘tadik. Milliy chempionat doirasida o‘tkazilgan 2 ta tur futbolchilarning tayyorgarligini tubdan o‘zgartirib yubordi deb o‘ylamayman. Ertangi bahsga imkon qadar yaxshi tayyorgarlik ko‘rishga harakat qildik. O‘yinga qanchalik tayyorligimizni esa ertangi uchrashuv ko‘rsatib beradi.
O‘zbekiston terma jamoasining himoya chizig‘ini qanday baholayman? Zamonaviy futbolda har bir o‘yinchining imkoniyatlaridan ko‘ra, ular mudofaada hamjihatlikda qanday harakat qilishi muhimroq. O‘zbekiston terma jamoasida sifatli o‘yinchilar bor. Ular esa jamoaning yaxshi o‘yin ko‘rsatishida muhim rol o‘ynashadi.
Bizda ko‘p o‘yinchilarda bunday saviyadagi turnir ishtirok etishi tajribasi yo‘q. Bu narsa safardagi o‘yinlarda bilinadi. Uyda esa muxlislarimizning kuchli qo‘llab-quvvatlashi o‘yinchilarimizni ruhlantiradi.
O‘zbekiston va Qirg‘iziston terma jamoalari o‘rtasidagi o‘tkazilgan 9ta o‘yinning barchasida O‘zbekiston g‘alaba qozongani haqida statistika, umid qilamanki, futbolchilarga ta’sir qilmaydi, ularga bosim bermaydi. Bu narsa muxlislar va rahbarlarni o‘ylantirishi mumkin. Futbolchilar esa statistika haqida o‘ylashmayapti.
Internetda Qirg‘iziston terma jamoasini rag‘batlantirish haqida turli fikrlar yozildi? Men bu haqda eshitmadim. Bizda shundoq ham motivasiya yetarli. Federasiyamiz bizni yaxshi qo‘llab-quvvatlab kelmoqda", — dedi Lisisin.
"Bu o‘yinga qiziqish yuqori ekanini tushunib turibmiz. Shuning uchun o‘yin qiziqarli bo‘ladi deb o‘ylayman.
Superligada o‘ynaganim menga O‘zbekiston terma jamoasini bilishda yaxshi yordam beradimi? Men bunday deb o‘ylayman. O‘zbekiston terma jamoasi asosini legionerlar tashkil qiladi. O‘yinchilarning qanday fikrlashini aniqlashda biroz yordam berishi mumkin. Shunday ekan, bu holat menga yordam bermasa kerak", — dedi Valeriy Kichin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
