Намангандаги "Марказий" стадионига туташ ҳудудда жойлашган захира футбол майдони сўнгги уч мавсум давомида ўз сифатини йўқотиб борди. "Навбаҳор" клуби Лиганинг қатор огоҳлантиришларига қарамай, мазкур масала устида етарлича иш олиб бормади ва оқибатда клубнинг U21 жамоаси мавсумнинг илк расмий ўйинида техник мағлубият қабул қилиб олди.
Шундан сўнг футбол майдонини тартибга келтириш юзасидан иш бошланди. 24 март куни Лига мутахассислари Наманганда бўлиб, ўзгаришлар билан танишди. Майдон ҳудуди чекланган бўлиб, захира ўриндиғи, ёрдамчи ҳакам ва назоратчи учун мўлжалланган нуқталар футболчилар эркин ҳаракатланиши учун халал бериб келган. Эндиликда мазкур нуқталар трибунага кўчирилди.
Шунингдек, жамоалар ва ҳакамлар кийим алмаштириш хоналарида ва ниҳоят таъмирлаш ишлари бошланган бўлиб, клуб раҳбарияти уни 27 март куни ниҳоясига етказишни режалаштирган. Бироқ футбол майдонида камчиликлар етарлича. Майса ойлаб парвариш қилинмаслиги оқибатида, унинг ҳолати ёмонлашиб борган. "Навбаҳор U21" жамоасига техник мағлубият ёзилганидан кейингина, захира майдонида қандайдир ҳаракатлар бошланган.
Майдон ажриқ билан қоплангани учун, у апрель ойининг биринчи ўн кунлигида ўз ҳолатини яхшилаши таҳмин қилинмоқда. Бунинг учун клуб ва стадион раҳбарияти майдон парваришига урғу беришда давом этиши, майса ўз вақтида суғорилиши ва керакли озуқалар билан таъминланиши шарт.
Юқоридаги ҳаракатлар инобатга олиниб, Лига мутахассислари 12 апрель куни бўлиб ўтадиган "Навбаҳор U21" — "Шўртан U21" ўйинидан кейин футбол майдонини қайта мониторинг қилади. Унга қадар "Навбаҳор U21" жамоаси мазкур майдонда 2 та учрашув ўтказиши учун истисно тариқасида рухсат берилади. Клуб раҳбарияти 13 апрель ҳолатига кўра Лигага берилган ваъдани тўлиқ бажарса ва аввалги йилларда бўлгани каби эътиборсизлик қилмаса, Лига кейинги тур учрашувлар учун ҳам майдонни рўйхатдан ўтказади.
Лига нафақат захира майдони, балки асосий таркиб ўз учрашувларини ўтказадиган асосий майдон ҳолатини яхшилаш бўйича ҳам иш олиб борилишига умид қилади. 2018 йил фойдаланишга топширилган футбол майдони ўз вақтида республикадаги энг яхшиларидан бири эди. Орадан 7 йил ўтиб, турли факторлар сабаб майдон ҳолатида салбий ўзгаришлар юз берган. 2026 йилга қадар ҳолатни ўнглаш учун етарлича вақт мавжуд.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
