Эрон чемпионатининг 2024/25 йилги мавсуми якунига бор-йўғи 3 тур қолган бир пайтда, чемпионлик учун кескин рақобат давом этмоқда. 27-тур якунига кўра, амалдаги чемпион "Персеполис" 51 очко билан учинчи ўринни эгаллаб турибди. 56 очкоси бўлган "Сепахон" иккинчи, бир ўйини захирада бўлган "Трактор" эса чемпионат пешқадами ҳисобланади.
Ўтган турнинг энг муҳим ўйинларидан бири бўлган "Персеполис" – "Сепахон" баҳсининг 32-дақиқасида мезбонлар сафида тўп сураётган ўзбекистонлик легионер Остон Ўрунов жароҳат сабаб майдонни тарк этди. Форс оммавий ахборот воситаларининг хабар беришича, футболчининг жароҳатдан тикланиши учун тахминан 2-3 ҳафта керак бўлади.
Varzesh3 нашри эса ўз саҳифасида Ўруновнинг жароҳати билан боғлиқ вазиятни ва футболчининг умумий ҳолатини танқидий тарзда таҳлил қилди:
"Сепахон"га қарши учрашувнинг 25-дақиқасида Остон яна жароҳатини ҳис қилди ва давом эттира олмаслиги сабабли ўйиндан чиқарилди. Унинг ўрнига Фаршод Аҳмадзода тушди. "Персеполис"нинг тиббий штаби Ўруновнинг тикланиши учун камида 2-3 ҳафта вақт кераклигини маълум қилди.
Маълум бўлишича, Ўрунов ўнг сон пай соҳасида енгил зўриқиш олган ва шу сабаб ўйинни давом эттира олмаган. Лекин бу ерда муаммо фақат тиббий ҳолатда эмас, балки Остоннинг профессионал футболчига мос бўлмаган ҳаёт тарзида ҳамдир.
Форс нашрининг ёзишича, Ўруновнинг жароҳатлар олишига сабаб — унинг нопрофессионал ҳаёт тарзи. У керакли овқатланиш, уйқу режими ва индивидуал машғулотларга эътибор қилмайди. Бу эса унинг жисмоний муаммоларини кўпайтириб, майдонда ўзини кўрсатишига тўсқинлик қилмоқда.
Нашр шунингдек, Ўруновга Франция терма жамоаси юлдузи Усмон Дембелени мисол қилиб кўрсатди. Дембеле "Барселона"да тез-тез жароҳат олган, лекин ПСЖга ўтгач, ўзининг турмуш тарзи ва машғулотларини профессионал тарзда ўзгартириб, икки мавсумдан бери юқори даражада ўйин кўрсатмоқда.
Нашрнинг таъкидлашича, Остон агар "Персеполис" тиббий ходимларининг тавсияларига риоя қилса ва ўзини профессионал тарзда тутса, унинг жароҳати тезроқ ўтиб кетади ва келажакда бу каби муаммоларни бартараф қилиш мумкин. Бундан ташқари, "Персеполис" бош мураббийи Исмоил Картал ҳам Ўруновнинг бу ҳолатидан норози эканлиги айтилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
