1) ЖЧ-2014 саралашида терма жамоамиз иштирокидан кўнглингиз тўлдими?
Савол жуда ҳам мураккаб. “Йўқ” десам, ҳали шу пайтгача терма жамоамиз сўнгги саралаш босқичида бу қадар кўп очко йиға олмаган эди. Қолаверса, асосий рақибларини, хусусан гуруҳда биринчи ўринни олган жамоаларни сафарда енгишни ҳам уддаламаган эди. “Ҳа” деб айтсам, виждоним олдида ҳижолатдаман: “Натижа қани?” деган саволига жавобим йўқ. Лекин ўйин савияси, курашувчанлик, ирода жиҳатидан терма жамоамизда аввалги мусобақаларга нисбатан жиддий ўсиш кузатилган.
2) Тўғридан-тўғри йўлланманинг қўлга киритилишига нима ҳалақит берди?
Жуда ҳам кўп катта-кичик хатоларнинг эътиборсиз қолдирилиши оқибатида:
1. ЎФФ хатоси – Эрон билан ўйиндан кейин бош мураббийнинг алмаштирилиши. Бу билан нимага эришиш мақсад қилинган эди? Тайинли жавоб йўқ. Бу фақат футболчилар иштиёқига салбий таъсир кўрсатди;
2. Бош мураббий хатоси – деярли барча ўйинларда асосий таркибни тўғри аниқлай олмади. Кўп ҳолларда заҳирадан тушган футболчилар ўйин натижасига бевосита таъсир кўрсатишди. Камида 2 та тенг кучли таркибга эга бўла олмади.
3. ПФЛ хатоси – терма жамоа футболчилари ўйнайдиган клублар иштирокидаги ўйинларни хоҳлаганча ўзгартириш оқибатида футболчиларга умумий “нагрузка” нотўғри тақсимланишига сабаб бўлди.
4. Футболчилар хатоси – унча ҳам кучсиз бўлмаган жамоалар дарвозасини 2-3, ҳатто 5 мартагача ишғол эта олиш имкони бор бўла туриб, аутсайдерни лоақал 2 та тўп фарқи билан енга олишмади. Руҳий барқарорлик етишмади.
5. Журналистлар хатоси – уларнинг фаоллиги терма жамоа борасида умумий қарор қабул қилишга таъсир кўрсатиш учун етарли бўлмади. Мухлислар норозилигни тизимли равишда ифода этиб, бунга федерация масъулларини ишонтира олмади.
6. Мухлислар хатоси – нотўғри йўлдан кетаётган масъулларга босим ўтказа олмади, умумий натижага унчалик ҳам ишонмади, ўз ҳурматини керакли вақтда талаб қила олмади.
7. “Вазият” хатоси – керакли пайтда омад бизнинг “дарвозамизни тақиллатмай”, рақибларга қиё боқди.
8. Ва яна бошқа хатолар – ҳар ким ўз хатосини ўзи билади. Виждонан айтганда, ҳеч ким “оппоқ” эмас бу вазиятда.
3) Энди нима қилиш керак, деб ўйлайсиз?
Хатоларни тузатиш лозим:
1. Бош мураббий тамоман мустақил бўлиши лозим: клубга боғланган мураббий – бу ҳеч ҳим дегани. Иложи бўлса хориждан олиб келиш керак, токи унга ҳеч кимнинг сўзи ўтмасин, мустақил қарор қабул қилсин;
2. Федерация ҳар бир йўл қўйилган хатонинг сабабини аниқлаб уни тубдан бартараф этиши лозим. “Публика” учун эмас, виждон олдида ҳисоб берсин ҳар бир масъул. Мураббийлардан тортиб, шифокоргача, илмий гуруҳдан тортиб, футболчиларгача, стадион масъулларидан тортиб, матбуот котибларигача.
3. ЎФФ масъулиятини ошириш мақсадида йилда бир бора Олий Мажлис олдида ҳисобот эшитишни йўлга қўйиш лозим. Парламент – халқнинг вакиллик органи, ҳар бир ташкилот халқ олдида ҳисобот беришга мажбур.
Дилшод Абдуазизов,
"Stadion.Uz" фойдаланувчиси.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Насаф
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
