Нико Уильямс «Барселона»га ўтиш олдидан шарт қўйди
«Атлетик» (Бильбао) ва Испания терма жамоаси яримҳимоячиси Нико Уильямс «Барселона»га ўтиши арафасида каталонияликлар олдига муҳим талаб қўйди. Бу ҳақда Marca нашри хабар берди.
Манба маълумотига кўра, футболчи «Барселона»дан Ла Лигада рўйхатдан ўтиш бўйича аниқ кафолатларни талаб қилмоқда. Нико ўтган мавсумда Испания терма жамоасидаги шериклари — Дани Ольмо ва ёш ҳужумчи Пау Виктор билан боғлиқ вазият такрорланишини истамайди. Улар аввалги мавсумда асосий жамоа футболчиларининг жиддий жароҳатлари орқалигина вақтинчалик рўйхатдан ўтказилган, кейин эса бу масала Испания Олий спорт кенгашига (CSD) мурожаат орқали ҳал этилган эди.
Шу билан бирга, Нико Уильямс «Барселона»га ўтишни хоҳлаётгани таъкидланган, аммо ҳозирча уни қаноатлантирадиган кафолатларни олмаган. Каталония клуби президенти Жоан Лапорта «Атлетик» учун белгиланган 58 миллион евролик тўловда муаммо йўқлигини маълум қилган. Бироқ трансфернинг чўзилиши айнан «Барселона»нинг молиявий фэйр-плей талабларини бажариш билан боғлиқ муаммолари туфайли кечикмоқда.
Манба: championat.com
Киритилди: 08:26, 29.06.2025. Ўқилди: 4556 марта. Фикрлар: 6 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар