Ёзги трансфер ойнаси ёпилишига 9 кун вақт қолди. 30 июль санаси тугаши билан Лига мусобақаларида иштирок этаётган клублар учун футболчиларни рўйхатдан ўтказиш тизими ёпилади.
Айни вақтда барча клублар Лига билан ўзаро шартномаларни мувофиқлаштириш устида иш олиб бормоқда. "Навбаҳор" клуби эса нафақат мазкур масала юзасидан кечикмоқда. Балки икки катта муаммо қаршисида турибди.
Биринчидан, "Навбаҳор" янги футболчини рўйхатдан ўтказиш ҳуқуқига эга эмас. Боиси, ФИФА Гиорги Никабадзе даъвосини қаноатлантирган бўлиб, клуб ўз собиқ футболчиси олдидаги қарздорлигини бартараф қилмагунга қадар, "Навбаҳор" учун трансфер тақиқини жорий қилган.
Иккинчидан, "Навбаҳор" шу йилги қишки трансфер ойнаси давомида собиқ футболчилари Жамшид Искандеров, Фаррух Сайфиев, Жамшид Болтабоев олдидаги қарзларини тўлаб бериши лозим эди. Бироқ кейинчалик Ўзбекистон футболчилари уюшмаси ва даъвогар футболчилар "Навбаҳор" билан келишиб, қарздорлик босқичма-босқич бартараф қилинишини назарда тутувчи ҳужжатни имзолади. ЎФУнинг 19 июль куни Лига ҳамда ЎФА тегишли қўмитасига ёзган хатида "Навбаҳор" келишувларга амал қилмагани кўрсатиб ўтилган. Бу каби ҳолат қайта-қайта такрорланаётганидан келиб чиқиб, Уюшма эндиликда фақатгина тақиқ билан чекланиб қолмай, ФИФА низомлари асосида "Навбаҳор" клубидан 6 очко олиб ташлаш даъвосини илгари сурган.
Лигага маълум бўлишича, "Навбаҳор" ёзги трансфер ойнаси давомида бир қатор янги футболчиларни ўз сафига қўшиб олган. Бироқ уларни рўйхатдан ўтказиш масаласи ҳозирча очиқ турибди. Олдиндаги 9 кун давомида клуб аввалига ФИФА қўйган тақиқни олиб ташлаши, кейинчалик ЎФУ билан келишув шартларини бажариши, шунингдек, Лига олдидаги мажбуриятларига эътибор қаратиши лозим.
Маълумот учун, 26-27 июл саналари иш кунлари ҳисобланмайди. Шундан келиб чиқилса, "Навбаҳор" 7 иш куни ичида вазиятдан чиқиб кетиши талаб этилади.
"Навбаҳор" қайд этаётган натижалар, жорий мавсум клуб намойиш этаётган ўйинлар ва клуб олиб бораётган сиёсат йилдан-йилга яхшиланиб бораётганлигини қайд этган ҳолда, юқоридаги кўрсатилган масалалар бир неча кун давомида ижобий ҳал этилишига умид билдирамиз" - дейилади ЎзПФЛ баёнотида.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
