Раҳмонов ва Шамсиддиновнинг сариқ карточкалари куйиб кетди
Ўзбекистон U-20 ёшлар терма жамоаси гуруҳ босқичида Янги Зеландия ва Уругвай терма жамоаларига қарши ўйинларда ҳам кўк либосда тўп сурган эди.
1 июль, душанба куни Газиантеп шаҳридаги «Туғжан» меҳмонхонасида Греция ва Ўзбекистон ёшлар терма жамоалари менежерлари учрашуви бўлиб ўтди. Унда 2 июль куни шу шаҳардаги Комил Ўжак номли стадионда U-20 ЖЧ-2013 нимчорак финал босқичи доирасида ҳар иккала терма жамоа ўртасида бўлиб ўтадиган учрашувга доир бир қатор масалаларга доир маълумотлар берилди.
Жумладан, сешанба куни ўтказиладиган ўйинда Аҳмаджон Мусаев шогирдлари майдонга кўк рангли либосда чиқишади. Дарвозабонлар қора рангли либосда ҳаракат қилишади. Греция ёшлар терма жамоаси эса майдонда оқ рангли либосда ҳаракат қилади. Грециялик дарвозабонлар яшил рангли либосларда майдонга тушишади. Ҳакамлар бригадаси эса қизил рангли либосда майдонда бўлади.
ЖЧ-2013 гуруҳ босқичида Ўзбекистон ёшлар терма жамоаси ҳимоячиси Максимилиан Фомин, Янги Зеландия ва Хорватияга қарши дастлабки икки ўйинда бир марта огоҳлантирилгани учун, Уругвайга қарши 3-тур учрашувини ўтказиб юборган эди. “Пахтакор» ҳимоячиси Грецияга қарши ўйинда илк дақиқалардан майдонга тушиши мумкин. Шунингдек, Хорватияга қарши ўйинда огоҳлантиришлар олгани учун Уругвайга қарши баҳсда эҳтиёткорлик билан тўп суриши талаб этилган ҳимоячилар – Сардор Раҳмонов ва Тоҳиржон Шамшитдиновнинг сариқ карточкалари куйиб кетди ва улар нимчорак финал учрашувига “тоза» бўлиб тушишади. Ўз навбатида, агар 2 июль куни бўладиган ўйинда Абдул Азиз Юсупов ва Жалолиддин Машарипов огоҳлантириш оладиган бўлса, Ўзбекистон U-20 ёшлар терма жамоасининг кейинги ўйинини ўтказиб юборишга мажбур бўлади.
Маҳаллий хавфсизлик хизмати ходимлари берган маълумотга кўра, 2 июль куни 16 минг 366 нафар томошабинга мўлжалланган Комил Ўжак номли стадионда бўлиб ўтадиган ўйинлар – Тошкент вақти билан 20:00да бошланадиган Греция – Ўзбекистон ҳамда 23:00да бошланадиган Франция – Туркия учрашувларини томоша қилиш учун 10 минг атрофида томошабин ташриф буюриши кутилмоқда.
1 июль кунига режалаштирилган ўйинолди тадбирлардан яна бири Тошкент вақти билан 17:30да Газиантепда Ўзбекистон U-20 ёшлар терма жамоаси делегацияси ўрин олган меҳмонхона – “Dedeman»да бўлиб ўтади. Худди шу вақтда Ўзбекистон U-20 ёшлар терма жамоаси бош мураббийи Аҳмаджон Мусаев иштирокида ўйинолди матбуот анжумани бошланади.
Манба: www.the-uff.com
Киритилди: 14:51, 01.07.2013. Ўқилди: 6685 марта. Фикрлар: 37 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
