Қозоғистоннинг Олма-Ота шаҳрида шахмат бўйича мукофот жамғармаси 100 000 АҚШ долларини ташкил этувчи нуфузли "Qonaev Cup 2025" турнири бўлиб ўтмоқда.
Учта гуруҳда ташкил этилаётган мусобақада 19 давлатдан жами 268 нафар шахматчи совринли ўринлар учун баҳс олиб бормоқда. Ушбу турнирда Ўзбекистон шарафини 5 нафар шахматчимиз ҳимоя қиляпти.
Мукофот жамғармаси 78 000 долларни ташкил этувчи "Masters" гуруҳида Муҳаммадзоҳид Суяров (2488) ва Ҳумоюн Бегмуратов (2466), 15 000 доллар соврин пулига эга "Challengers" гуруҳида эса гроссмейстеримиз Алексей Барсов (2323), шунингдек Миразиз Матякубов (2260) ҳамда Азамат Дауримбетов (2199) ўз омадини синаб кўрмоқда.
Бешинчи турда Муҳаммадзоҳид Суяров қора доналарда ўйнаганига қарамай, ҳиндистонлик Ваз Этанни мағлубиятга учратди. Очколарини 3 тага етказиб олган Суяров қўшимча кўрсаткичларга кўра 25-ўринга кўтарилиб олди. Ўн иккинчи ўриндан жой олган қозоғистонлик Даниял Сапенов ҳисобида ҳам 3 очко бор. Ҳумоюн Бегмуратов ҳам бу турда қора доналарда ўйнади. Ёш шахматчимиз мезбонлар вакили Сатбек Ахмединов билан муросага келди. Ҳумоюн 2 очко билан 48-поғонани банд этган. Бу 2 очколиклар орасидаги энг ёмон кўрсаткич.
Бироз аввал бошланган 6-тур учрашувида Муҳаммадзоҳид Суяров оқ доналарда қозоғистонлик Ергали Сулейманга, Ҳумоюн Бегмуратов эса АҚШ вакили Максимилян Луга қарши баҳс олиб бормоқда. Турнир жадвалида 4 очкодан жамғарган 4 шахматчи - Амин Бассем (Миср), Аюш Шарма (Ҳиндистон), Алексей Гребнев (FIDE) ва Адитя Миттал (Ҳиндистон) пешқадамлик қиляпти.
"Challengers" гуруҳида қатнашаётган уч нафар шахматчимизнинг бари 5-турда ғалабага эришди. Тажрибали гроссмейстеримиз Алексей Барсов қозоғистонлик Амирали Абзални, Миразиз Матякубов яна бир мезбон шахматчи Исабек Танибекни, Азамат Дауримбетов эса қирғизистонлик Азиз Умарбековдан устун келди. Ҳар уч шахматчимиз очколарини 4 тага етказиб олишди.
Қўшимча кўрсаткичларга кўра Матякубов 6, Дауримбетов 8, Барсов эса 10-ўринни банд этган. Уч нафар иштирокчи 4,5 тадан очко жамғариб, "Challengers" гуруҳида карвонбошилик қилмоқда. Айни дақиқаларда ўтказилаётган 6-турда Миразиз Матякубов қозоғистонлик Абилмансур Абдилхайирга, Барсов қирғизистонлик Нургази Жинбековга, Дауримбетов эса яна бир мезбон шахматчи Динмуҳаммед Тулендиновга қарши дона сурмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
