«Андижон» клуби ҳам Осиё футболи жамоатчилиги томонидан охирги пайтларда тез-тез эътироф этилмоқда. Бунга яна бир бор Осиё Чемпионлар лигаси 2 мусобақаси учун бўлиб ўтган семинар ва қуръа ташлаш маросимида амин бўлдик.
Мазкур тадбирга ОЧЛ 2 нинг барча аъзолари таклиф этилган бўлиб, табиийки, уларнинг орасида «Андижон» вакиллари ҳам бор. Малайзия пойтахти Куала-Лумпурдаги «Интерконтинентал» меҳмонхонасида ўтказилган тадбирлар жуда юқори савияда ташкил этилди ва жуда илиқ таассуротлар қолдирди. Осиё футболи оиласининг аъзоси сифатида «Андижон» ҳам халқаро майдондаги мавқеи ҳамда нуфузи тобора ошиб боришида ОЧЛдаги иштироки жуда муҳим.
Жамоамиз раҳбарияти ҳам ушбу ташрифдан унумли фойдаланиб, қисқа вақт ичида самарали учрашувлар ўтказди, рақиб жамоа расмийлари билан ўзаро фикрлар алмашилди ва ташкилий томонлама бир-бирларига ёрдам беришга келишиб олдилар.
Қуръадан аввал ташкил этилган семинарда турнир давомида нималарга эътибор қаратилиши юзасидан керакли тушунчалар берилди. Бу борада барча йўналишлар қамраб олинган бўлиб, ҳаммаси қатъий назорат остида бўлиши, ташкилий томонлама бекаму-кўст бажарилиши юзасидан тавсия ва кўрсатмалар айтилди.
Қуръага қизиқиш катта бўлди. Бу борада ОФК ташкилотчилик томонидан жуда яхши тайёргарлик кўргани сезилди. У ерда бутун Осиё футболи жамоатчилиги, ҳар бир клуб расмийлари, комиссарлар, қўйингки, футболга дахлдор барча ўша ерда жам бўлди.
Барча учун таниқли бўлган, «Барселона»нинг собиқ футболчиси ва ҳозирда БААнинг «Ал-Васл» клубида спорт директори лавозимида ишлаётган Эрик Абидал билан кутилмаган учрашув ҳам яхши таассурот қолдирди. У энди «Андижон» ҳақида билади.
Эронлик таниқли футбол юлдузларидан бири Худодод Азизийни айниқса, ёши катта мухлислар жуда яхши эслашади. «Андижон» жамоамизга ОЧЛ баҳсларида омад тилади.
Кеча таъкидлаб ўтганимиздек, ОФК бош котиби ўринбосари, мусобақаларни ўтказиш бошқармаси бошлиғи Шин Ман Гилга клубимиз раҳбарияти томонидан эсдалик совғалари топширилди ва яқиндан ҳамкорлик қилиш борасида ўзаро фикр алмашдилар. Рақиблар аниқ бўлгач эса «Ал-Аҳли», «Аркадаг» ва «Ал-Халдия» расмийларига ҳам жамоамизнинг эсдалик совғалари топширилди.
Ҳамюртларимиз - ОФКда мусобақаларни ўтказиш бошқармаси бошлиғи ўринбосари Авазбек Бердиқулов ва Қатар футбол ассоциасиясида фаолият кўрсатиб келаётган Алишер Никимбаевлар билан ўзаро мулоқот жараёнлари ҳам жуда самарали кечди. Улар ҳамма вақт жамоамизни қўллаб-қувватлашга, халқаро майдонда ташкилий томонлама ёрдам беришга тайёрликларини маълум қилдилар.
Қуръа жараёнида бевосита иштирок этган баҳрайнлик собиқ футболчи Маҳмуд Абдулраҳмон билан ҳам алоҳида учрашув ташкил қилинди ва у «Андижон» матбуот хизмати учун интервью берди.
Тадбир якунида ОФК бош котиби Дато Виндсор Жон билан ҳам учрашдик. У клуб матбуот хизматига шундай деди:
“Сизларни бу ерда кўриб турганимдан хурсандман. «Андижон» илк бор ОЧЛ 2 да қатнашади ва янги бошланаётган мусобақа билан табриклайман. «Андижон»га гуруҳдан чиқишида муваффақият тилайман”.
Шу тариқа, жамоамизнинг Осиё Чемпионлар лигасидаги ҳаёти бошланди. Илк учрашув 17 сентябрь куни Туркманистонда «Аркалаг» клубига қарши бўлиб ўтади. Унгача эса миллий чемпионатдаги иштирокимизга эътибор қаратамиз. 17 август куни соат 19:00 да Максим Шатских жамоаси сафарда «Машъал»га қарши майдонга тушади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
