«Andijon» klubi ham Osiyo futboli jamoatchiligi tomonidan oxirgi paytlarda tez-tez e’tirof etilmoqda. Bunga yana bir bor Osiyo Chempionlar ligasi 2 musobaqasi uchun bo‘lib o‘tgan seminar va qur’a tashlash marosimida amin bo‘ldik.
Mazkur tadbirga OCHL 2 ning barcha a’zolari taklif etilgan bo‘lib, tabiiyki, ularning orasida «Andijon» vakillari ham bor. Malayziya poytaxti Kuala-Lumpurdagi «Interkontinental» mehmonxonasida o‘tkazilgan tadbirlar juda yuqori saviyada tashkil etildi va juda iliq taassurotlar qoldirdi. Osiyo futboli oilasining a’zosi sifatida «Andijon» ham xalqaro maydondagi mavqei hamda nufuzi tobora oshib borishida OCHLdagi ishtiroki juda muhim.
Jamoamiz rahbariyati ham ushbu tashrifdan unumli foydalanib, qisqa vaqt ichida samarali uchrashuvlar o‘tkazdi, raqib jamoa rasmiylari bilan o‘zaro fikrlar almashildi va tashkiliy tomonlama bir-birlariga yordam berishga kelishib oldilar.
Qur’adan avval tashkil etilgan seminarda turnir davomida nimalarga e’tibor qaratilishi yuzasidan kerakli tushunchalar berildi. Bu borada barcha yo‘nalishlar qamrab olingan bo‘lib, hammasi qat’iy nazorat ostida bo‘lishi, tashkiliy tomonlama bekamu-ko‘st bajarilishi yuzasidan tavsiya va ko‘rsatmalar aytildi.
Qur’aga qiziqish katta bo‘ldi. Bu borada OFK tashkilotchilik tomonidan juda yaxshi tayyorgarlik ko‘rgani sezildi. U yerda butun Osiyo futboli jamoatchiligi, har bir klub rasmiylari, komissarlar, qo‘yingki, futbolga daxldor barcha o‘sha yerda jam bo‘ldi.
Barcha uchun taniqli bo‘lgan, «Barselona»ning sobiq futbolchisi va hozirda BAAning «Al-Vasl» klubida sport direktori lavozimida ishlayotgan Erik Abidal bilan kutilmagan uchrashuv ham yaxshi taassurot qoldirdi. U endi «Andijon» haqida biladi.
Eronlik taniqli futbol yulduzlaridan biri Xudodod Aziziyni ayniqsa, yoshi katta muxlislar juda yaxshi eslashadi. «Andijon» jamoamizga OCHL bahslarida omad tiladi.
Kecha ta’kidlab o‘tganimizdek, OFK bosh kotibi o‘rinbosari, musobaqalarni o‘tkazish boshqarmasi boshlig‘i Shin Man Gilga klubimiz rahbariyati tomonidan esdalik sovg‘alari topshirildi va yaqindan hamkorlik qilish borasida o‘zaro fikr almashdilar. Raqiblar aniq bo‘lgach esa «Al-Ahli», «Arkadag» va «Al-Xaldiya» rasmiylariga ham jamoamizning esdalik sovg‘alari topshirildi.
Hamyurtlarimiz - OFKda musobaqalarni o‘tkazish boshqarmasi boshlig‘i o‘rinbosari Avazbek Berdiqulov va Qatar futbol assosiasiyasida faoliyat ko‘rsatib kelayotgan Alisher Nikimbayevlar bilan o‘zaro muloqot jarayonlari ham juda samarali kechdi. Ular hamma vaqt jamoamizni qo‘llab-quvvatlashga, xalqaro maydonda tashkiliy tomonlama yordam berishga tayyorliklarini ma’lum qildilar.
Qur’a jarayonida bevosita ishtirok etgan bahraynlik sobiq futbolchi Mahmud Abdulrahmon bilan ham alohida uchrashuv tashkil qilindi va u «Andijon» matbuot xizmati uchun intervyu berdi.
Tadbir yakunida OFK bosh kotibi Dato Vindsor Jon bilan ham uchrashdik. U klub matbuot xizmatiga shunday dedi:
“Sizlarni bu yerda ko‘rib turganimdan xursandman. «Andijon» ilk bor OCHL 2 da qatnashadi va yangi boshlanayotgan musobaqa bilan tabriklayman. «Andijon»ga guruhdan chiqishida muvaffaqiyat tilayman”.
Shu tariqa, jamoamizning Osiyo Chempionlar ligasidagi hayoti boshlandi. Ilk uchrashuv 17 sentyabr kuni Turkmanistonda «Arkalag» klubiga qarshi bo‘lib o‘tadi. Ungacha esa milliy chempionatdagi ishtirokimizga e’tibor qaratamiz. 17 avgust kuni soat 19:00 da Maksim Shatskix jamoasi safarda «Mash’al»ga qarshi maydonga tushadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
