“Челси” футболчиси касбини ўзгартиради
        
        
     
        
        
        
    “Челси”нинг украиналик вингери Михайло Мудрик футболдаги фаолиятини якунлаб, енгил атлетикага ўтишга қарор қилган. Бу ҳақда Marca нашри хабар берди.
Мудрик 2023 йил январь ойида “Челси”га 100 миллион евро эвазига трансфер қилинган эди. Тез орада футболчи Премьер Лигада рекорд тезлик қайд этди– 36,67 км/соат. Бироқ 2024-йилнинг охирларида ўтказилган допинг назоратида Михайлонинг қонида тақиқланган модда аниқланган.
Допинг жазоси туфайли футбол майдонларидан четлатилган футболчи энди спортдаги фаолиятини бошқа йўналишда давом эттиришга қарор қилган. У 2028 йил Лос-Анжелесда бўлиб ўтадиган Ёзги Олимпиада ўйинларида югуриш бўйича Украина терма жамоаси таркибида иштирок этишни режалаштирмоқда. Мудрик Олимпиадада қатнашиш учун World Атҳлетиcс томонидан белгиланган нормативларни бажариши ва 2027-йилги саралаш босқичида муваффақиятли иштирок этиши лозим бўлади. 
Эслатиб ўтамиз, Михайло Мудрик фаолияти давомида жами 150 та ўйинда майдонга тушиб, ўз ҳисобига 22 та гол ҳамда 30 та ассист ёздириб қўйган. Футболчининг “Челси” билан шартномаси 2031-йилга қадар амал қилади. Мудрик “Челси”га қадар Украинанинг “Шахтёр” клубида фаолият олиб борган.
 
        
                            Манба:  daryo.uz
                        
        
    Киритилди: 11:37, 20.09.2025. Ўқилди: 1578 марта. Фикрлар: 0 та.
    
 
Матнда хатолик топсангиз, ўша хатони белгилаб, бизга жўнатинг (Ctrl + Enter).
        Бўлимга тегишли қизиқарли хабарлар